Жамият 10.02.2014 👁 1,573

Соғлом бола йили янгиликлари

Янги танлов эълон қилинди

"Тараққиёт кўзгуси” газетаси таҳририяти томонидан таҳририятга ёш ижодкорларни янада кенгроқ жалб қилиш ва ўқувчиларнинг журналистика соҳасига қизиқишини ошириш мақсадида таълим муассасалари ўқувчилари ўртасида ҳар йили 2 босқичда, йил давомида 10 та мавзу бўйича ўтказиладиган "Энг яхши иншо” танлови ташкил қилинди. Туман ХТМФТТЭ бўлими билан ҳамкорликда эълон қилинган ушбу танлов тўғрисида кенг маълумот бериш учун танлов ва лойиҳа тўғрисидаги маълумотлар, уларда қатнашиш шартлари акс эттирилган махсус плакатлар тумандаги 82 та мактаб, академик лицей ва 8 та касб-ҳунар коллежларига тарқатилди.

Адҳамбекнинг ғалабаси

Яқинда Тошкент шаҳрида каратэ бўйича болалар, ўсмирлар ва катта ёшдаги спортчилар ўртасида Ўзбекистон кубоги мусобақалари бўлиб ўтди. Бу нуфузли беллашувда мамлакатимиздаги барча вилоятларнинг беш юз нафардан ортиқ энг кучли каратэчилари қатнашди. Испания мамлакатида бўлиб ўтадиган ёшлар ўртасидаги Жаҳон чемпионатида қатнашиш учун тайёргарлик кўрган Ўзбекистон терма жамоаси аъзолари мазкур саралаш беллашувида ўз қобилиятларини ва маҳоратларини намойиш этдилар. Шиддатли кечган бу беллашувда туманимиз терма жамоасининг сардори, энг қобилиятли каратэчи, 2-сонли БЎСМ ўқувчиси Адҳам Иброҳимов ҳам қатнашиб, кумитэ баҳсида фахрли учинчи ўринни эгаллаб, бронза медалини қўлга киритди. А.Иброҳимов – Ўзбекистон терма жамоаси аъзоси, жаҳон кубоги қатнашчиси. У Дубай шаҳрида бўлиб ўтадиган Осиё чемпионатида ҳам қатнашиш учун йўлланма олди ва ҳозирда қизғин тайёргарлик кўрмоқда.

Туманимиздаги 2-сонли БЎСМ ва туман каратэ федерацияси раиси Илҳом Эримметов ва мураббий Ильдор Эримметовлар спортчиларни мусобақага пухта тайёрламоқдалар.

Веб-сайтнинг техник имкониятлари кенгаймоқда

www.amunews.uz веб-сайтининг техник имкониятларини янада кенгайтирилди. Жумладан, сайтда фойдаланувчиларни рўйхатга олиш тизими жорий қилиниб, рўйхатдан ўтган ва рўйхатдан ўтмаган фойдаланувчиларнинг сайтдаги мақолаларга фикр билдириш имкониятини яратилди.

Шунингдек, www.amunews.uz веб-сайтининг ўқувчилар аудиториясини кенгайтириш мақсадида туман ХТМФМТТЭ бўлими, тумандаги академик лицей ва касб-ҳунар коллежлари билан ҳамкорликда ZiyoNet тармоғида ўқувчиларнинг туман сайтига киришига кўмаклашилмоқда. Шу мақсадда тарғибот ишлари олиб борилиб, ўқув муассасаларининг расмий веб-сайтларидаги "фойдали манбалар” бўлимига www.amunews.uz сайтини киритилди.