Устоз шарофати билан
Дарҳақиқат, раҳматлик устозим Собир Юсупов шарофати билан 1966 йилнинг 11 январь кунидан бошлаб "Амударё ҳақиқати” газетаси, таҳририятида журналистик фаолиятим бошланди. Аввал адабий ходим, кейинчалик бўлим мудири вазифаларида ишладим.
Таҳририятга ишга келганимда ўрта маълумот эгаси эдим. 1968-1974 йилларда ТошДУнинг журналистика факультети сиртқи бўлимида таҳририятда ишлаб туриб таҳсил олдим, олий маълумотли малакали журналист бўлиб етишдим. Шу ерда бахтимни топдим. Ҳамкасбим Янгилжон Ҳамроева билан 1969 йил январь ойида турмуш қурганмиз.
Шу нарсани алоҳида қайд қилгим келадики, 1966-70 йилларда газетанинг жамоатчи мухбирлари бўлган Алламберган Жуманиёзов, Бибиҳожар Дўсниёзова, Жумабой Ҳидоятов, Иброҳим Холмуродов, Норбой Тўрабоев, Сафарбой Дав-латбоев, Ҳайитбой Худоёров, Турсунбой Султонов, Сафо Матчоновлар Собир Юсуповнинг таклифи билан "Амударё ҳақиқати” газетаси таҳририятида ишладилар. Мадраҳим Қурбонов Қорақалпоғистон Республикаси телевидениесида ўн йил Амударё тумани бўйича мухбири бўлиб, Қобул Шомуродов эса 1978 йилдан айни кунгача Қорақалпоғистон Республикаси радиосининг туманимиз бўйича мухбири вазифасида ишлаяпти.
Газета штатида мухбирликка қў-шимча радио ташкилотчи деган вазифа бор эди. 1970 йилнинг кузидан то 1979 йилнинг август ойигача шу вазифада ишладим. 1979 йилнинг августидан то 2007 йилнинг октябрь ойигача газета таҳририятида бўлим мудири, масъул котиб, муҳаррир ўрин-босари бўлиб ишладим.
Журналистик фаолиятим 42 йил давом этди. Мустақиллик туфайли меҳнатим муносиб баҳоланди. 1994 йилда Қорақалпоғистон Республикаси Жўқорғи Кенгеси Фахрий ёрлиғи билан, 2004 йилда эса "Қорақалпоғистон Респуб-ликасида хизмат кўрсатган журналист” унвони билан тақ-дирландим. Ҳаммаси учун – яъни журналист бўлиб етишганим, фахрий унвон олиб, айни кунда қарилик гаштини суриб яшаётганим учун раҳматлик устозим, журналист, ўндан ортиқ журналистларга устозлик қилган Собир Юсуповдан беҳад миннатдорман.
Газетамизнинг40, 50, 60, 75 ва ниҳоят 80 йиллик юбилейи нишонланишини кўриш насиб этаётганлигидан ғоятда хурсандман. Аввалги "Амударё ҳақиқати”, айни кундаги "Тараққиёт кўзгуси”, газетаси таҳририяти журналистларини, унинг собиқ ходимларини, барча газетхонларни газетамизнинг 80 йиллик тўйи билан самимий табриклайман. Газета ҳамиша туманимиз ҳаётининг ойнаси ва газетхонлар минбари бўлиб қолаверишига тилакдошман.
Саъдулла Хўжаниёзов,
газета фахрийси, Қорақалпоғистон Республикасида хизмат кўрсатган журналист.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
