Иқтисодиёт
👁 2,583
Балиқчилик – сердаромад соҳа
Президентимиз Ислом Каримов раҳнамолигида озиқ-овқат
маҳсулотлари ишлаб чиқаришни янада ривожлантириш борасида амалга
оширилаётган изчил ислоҳотлар самарасида халқимизнинг сифатли балиқ
маҳсулотларига бўлган эҳтиёжи таъминланмоқда.
Қорақалпоғистон Республикасида жорий йилда табиий кўлларда 1 минг
700 тонна, сунъий сув ҳавзаларида эса 1 минг 500 тонна балиқ етиштириш
режалаштирилган.
Минтақада балиқчилик соҳасини янада ривожлантириш мақсадида жорий
йилда 53 лойиҳа амалга оширилиши кутилмоқда. Шулардан 6 таси Амударё
туманига тўғри келади.
Тумандаги "Шўркўл-Маҳкам” масъулияти чекланган жамияти аъзолари
аҳолининг балиқ маҳсулотларига бўлган талабини қондириш, соҳага интенсив
усулларни жорий этиш, балиқ етиштиришда илғор технологияларни қўллаш
борасида муҳим чора-тадбирларни амалга оширмоқда.
– Қилган меҳнатларимиз зое кетмади, – дейди "Шўркўл-Маҳкам” МЧЖ
раҳбари Р.Имомиддинова. – Ҳозир 9 турдаги балиқ парваришламоқдамиз.
Соҳани янада ривожлантириш учун интенсив усулда балиқ етиштиришни йўлга
қўйдик, балиқчилик хўжаликларига шартнома асосида човоқ ҳам етиштириб
бермоқдамиз.
Тумандаги Дўрмон қишлоқ хўжалик касб-ҳунар коллежи билан тузилган
шартнома асосида коллеж ўқувчилари хўжаликда ишлаб чиқариш амалиётини
ўтайди.
– Коллежда олган назарий билимларимни шу ерда синаб кўриб, янада
мустаҳкамладим, – дейди Дониёр Қодиров. – Балиқни кўпайтириш, турларига
қараб озиқлантириш технологияларини ўргандик. Мен ҳам келажакда
балиқчилик хўжалигини ташкил этмоқчиман.
ЎзА, А.Ортиқбоев
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
