ChEKKA QIShLOQLARDAGI ZAMONAVIY MADANIYaT MARKAZLARI
Mustaqillik yillarida mamlakatimiz qishloqlari tubdan oʻzgarib, oʻzgacha chiroy ochdi. Ularda istiqomat qilayotgan aholining yashash, ishlash va dam olish sharoitlari tubdan yaxshilandi.
Qishloqlarimizda namunaviy loyihalar asosida koʻplab turarjoy binolarining, maktab, kollejlar va tibbiyot muassasalari binolarining qurilishi yurtimizda inson omiliga eʼtibor qanchalik kuchli ekanligini koʻrsatib turibdi.
2013-yilning 25-iyunida Oʻzbekiston Respublikasi Vazirlar Mahkamasining "2013-2018-yillarda zamonaviy madaniyat va aholi dam olish markazlarini tashkil etish chora-tadbirlari toʻgʻrisida”gi qarorining qabul qilinishi mamlakatimizda aholining, ayniqsa yosh avlodning oʻsib borayotgan madaniy-maʼrifiy ehtiyojlarini qondirish, ularning boʻsh vaqtini samarali va mazmunli tashkil etishga koʻmaklashish maqsadidagi gʻamxoʻrlik namunasi boʻldi.
Shu yilning aprel oyida Oʻzbekiston Respublikasi Vazirlar Mahkamasining mazkur qarori asosida tumanimizning "Choykoʻl” ovulida yangi, zamonaviy madaniyat va aholi dam olish markazi binosining rekonstruktsiya ishlari yakunlanib, foydalanishga topshirilgan edi.
Ayni kunda tumanimizning "Uyshin” mahallasidagi eski madaniyat uyini zamonaviy madaniyat va aholi dam olish markaziga aylantirish maqsadida rekonstruktsiya ishlari olib borilmoqda. Jami qiymati 600 million soʻmdan oshiqroq boʻlgan bu rekonstruktsiya ishlari "Amudaryo qurilish” MChJning tajribali quruvchilari tomonidan amalga oshirilmoqda.
Tumanimizning chekka qishloqlaridan birida barpo etilayotgan ushbu madaniyat maskani foydalanishga topshirilgach, bu yerda koʻplab madaniy-maʼrifiy tadbirlar tashkil etilib, aholining, ayniqsa, yoshlarning boʻsh vaqtlarini mazmunli oʻtkazishlariga sharoit yaratiladi.
Allambergan JUMANIYoZOV.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
