Jayxun ilhomlari

Ehtirom

Z.M.Bobur tavalludining

541 yilligiga

Asrlarki, yodimizda gʻazallari,

Har satrida namoyon  yurt fasllari.

Qalbimizda mangu yashar har bir soʻzi,

Bobur bobom bitgan nazm-u nasrlari.

Oʻxshashi yoʻq bir oʻlkadir Oʻzbekiston,

Xalqi tanti, oqibatli va mehribon.

Tarix guvoh yashnayotgan ul Andijon

Bobur nomin baland tutib yashar hamon.

Qoʻshiq boʻlib kuylanmoqda asarlari,

Tilimizdan hech tushmagay gʻazallari.

Oʻgʻil-qizlar «Boburiyman!» deyishar shod,

Koʻzga surma Bobur oʻtgan manzillari.

Minglab tilga oʻgirildi shoh asarlar,

Sevib oʻqir turli millat va elatlar.

Xalq dilida yangrayverar «Xatti Bobur»,

Ilm-u irfon yoʻllariga chorlayverar.

Zuhra Ahmedova.

BAHOR ShAMOLI

Har bir ishda hikmat bor, jon bor,

Qiyosi yoʻq sifat bor, son bor.

Qorlar ketib, tomchilar tushar,

Yosh-yalanglar hissiyot quchar.

Sozga qoʻshiq, qoʻshiqqa raqs,

Mos-da baʼzan gurungga bahs.

Esgan yel ham besabab emas,

Togʻdan sel ham toshmasa, kelmas.

Bir kunlari yaproq sargʻayib

Yotgan edi, boʻlibdi gʻoyib.

Har narsaga bogʻliq gap boʻlar,

Gul koʻkarar, qulf urar, soʻlar.

Boʻlmay turtki turmasdir boʻron,

Yo shunchaki yel esmas bir on...

Amin boʻldim, qish damin olib,

Keldi bahor shamoli gʻolib!

Jumaboy HIDOYaTOV,

“Jayxun ilhomlari” NNT aʼzosi.

Vatan himoyachisiga

Chechaklar koʻkarar etaklarimda,

Bahorga in boʻldi qorachiqlarim

Bodrab ketar suqsur orzular,

Baxtlarni allalab uxladim.

Peshonamga qanotin surar

Tushlarimda uchgan laylaklar.

Shu dam sening keng manglayingni

Oʻpayotir balki laylak qor.

Balki yomgʻir yoʻqlagan seni,

Balki muzlar taftiga olgan.

Biz uxlaymiz oyga bosh qoʻyib,

Oy senga bosh qoʻyganin bilmay,

Chegarada tik turgan Oʻgʻlon!

Dildora XUDOYBERGANOVA.

ShUKRONA QIL

Kuzing kurib, yulni topib,

Yurganingga shukur qil.

Kecha yotib, erta turgan,

Ӽar kuningga shukur qil.

Alloh noz-neʼmatlarni,

Cheksiz inʼom etgan, bil.

Uni qullash imkoniyatlari,

Uz qulingda, shuni bil.

Ӽayotda sen borliging,

Omadingdir, baxtingdir.

Qancha gudak tugʻilib,

Yashamagan, shuni  bil.

Ӽayotda oʻz oʻrning top,

Shior qil: olgʻa  qadam.

Nolimagin  Allohimdan

Xulosa  qil, shukur qil.

Dilfuza Sultonova.

Bolajonlarga

Sogʻlom boʻlayin, desang,

Yaxshi dam ol, bolajon.

Va kuchli boʻlay, desang,

Sportni sev har qachon.

Nonushta qil vaqtida,

Kitob bilan oshna boʻl.

Unib-oʻsib, barvasta,

Hamisha faxrga toʻl.

Marjona Karimboyeva,

71-maktab oʻquvchisi.