Буюклар хотираси абадийдир
Президентимиз Шавкат Мирзиёевнинг 2017 йил 25 январдаги "Ўзбекистон Республикасининг Биринчи Президенти Ислом Абдуғаниевич Каримовнинг хотирасини абадийлаштириш тўғрисида”ги қарори бутун халқимиз хоҳиш-истагининг амалий ифодаси бўлди. Жойларда Биринчи Президентимиз таваллуд топган сана олдидан ўтказилаётган учрашувлар ва давра суҳбатларида бу фикр ўз тасдиғини топмоқда.
Биринчи Президентимиз таваллуд топган сана олдидан туманимиздаги 31-сонли мактабда Ўзбекистон "Миллий тикланиш” демократик партияси ва "Тараққиёт кўзгуси” газетаси таҳририяти ҳамкорлигида тадбир ўтказилди. Унда таъкидланганидек, Ўзбекистон Республикаси Биринчи Президенти Ислом Каримовнинг Ўзбекистон тараққиёти, халқимиз манфаати йўлида амалга оширган эзгу ишлари, ислоҳотларининг қадри йиллар давомида ошиб бораверади. Зеро, бу инсоннинг хотирасини нафақат бугунги, балки келажак авлодлар ҳам мустақиллигимиз меъмори сифатида юксак қадрлайди. Давлатимиз раҳбари Шавкат Мирзиёевнинг жорий йил 25 январдаги "Ўзбекистон Республикасининг Биринчи Президенти Ислом Абдуғаниевич Каримовнинг хотирасини абадийлаштириш тўғрисида”ги қарори бунинг амалий ифодаси бўлиб, мазкур ҳужжат кенг жамоатчилик томонидан мамнуният билан кутиб олинди.
Тадбирда халқимиз атоқли фарзандининг давлат ва сиёсат арбоби сифатидаги кенг қамровли фаолияти, амалга оширган ишлари яна бир бор эътироф этилди.
***
Манғит иқтисодиёт касб-ҳунар коллежида ҳам шу каби учрашув ўтказилди. Тадбирда Ўзбекистон "Миллий тикланиш” демократик партиясининг асосий дастурий мақсад-вазифалари бўлган миллий тикланиш ғоясини амалга ошириш, барқарор миллий ривожланишни таъминлаш, миллий, маданий ва маънавий қадриятларни, бой тарихий меросимизни асраб-авайлаш масаласи, «Юксак маънавият – енгилмас куч» ғоясини амалга ошириш вазифаси бевосита Биринчи Президентимиз Ислом Каримовнинг "Мустақиллик – маънавий тикланиш ва юксалишдир” тамойили асосида яратилгани алоҳида таъкидланди.
Тадбирда ўқувчилар ҳам Биринчи Президентимизнинг ёшларга қаратган эътибори хусусида тўлқинланиб сўзладилар ва аъло баҳоларга ўқиб, касб-ҳунар сирларини пухта эгаллаб, Ислом Каримов орзу қилганларидек, юксак марраларга эришишни ўз олдларига мақсад қилиб қўйганини таъкидладилар.
(Фото - http://uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
