ОДАМ САВДОСИДАН ЭҲТИЁТ БЎЛАЙЛИК
Бугунги кунда одам савдосининг олдини олиш ва унга қарши курашиш борасида юртимизда ҳам қатор ҳуқуқий ислоҳотлар амалга оширилмоқда.
Мамлакатимиз 2003 йил 12 декабрда БМТ Бош Ассамблеяси томонидан 1950 йилда қабул қилинган "Одам савдоси ва фоҳишаликнинг учинчи шахслар томонидан ишлатилишига қарши кураш тўғрисида”ги Конвенцияга қўшилди. Шунингдек мамлакатимиз парламенти томонидан БМТ бош Ассамблеясининг 2000 йил 15 ноябрда қабул қилинган "Трансмиллий уюшган жиноятчиликка қарши кураш тўғрисида”ги Конвенцияси ҳамда "Одам савдоси, айниқса, аёллар ва болаларни сотишнинг олдини олиш, унга чек қўйиш ва бунинг учун жазолаш тўғрисида”ги қўшимча ҳужжатлар имзоланди.
"Одам савдосига қарши курашиш тўғрисида”ги Ўзбекистон Республикаси қонуни ҳамда "Одам савдосига қарши курашиш самарадорлигини ошириш чора-тадбирлари тўғрисида”ги Ўзбекистон Республикаси Президентининг қарори билан юқоридаги қонун нормалари амалга янада самарали татбиқ этилмоқда.
Мисол тариқасида айтадиган бўлсак, хоразмлик С.Халиқов дастлабки тергов давомида шахсини аниқлаш имкони бўлмаган Россия Федерацияси фуқароси билан олдиндан тил бириктириб, туманимизнинг "Тошқалъа” маҳалласида яшовчи 13 нафар фуқарога "Москва шаҳрида қурилиш ишлари бор, усталар ва ёрдамчиларнинг ҳар бирига 1000 АҚШ доллари миқдорида иш ҳақи берамиз” деб алдаш йўли билан уларнинг меҳнатидан фойдаланиш учун ёллашган. Уларни Москва шаҳрига олиб бориб, фуқаролик паспортларини олиб қўйиб, ҳар бирини 15 минг Россия рублига, шахси номаълум кимсаларга сотиб юборган.
Туманимизда бундай иллатнинг олдини олиш, одам савдоси қурбони бўлиш хавфи остида қолиши мумкин бўлган фуқаролар билан ишлашиш мақсадида ўтган йиллар давомида хорижий давлатларга бориб келган 1185 нафар фуқаролар тиббий кўрикдан ўтказилиб, касаллик аниқланган фуқароларга амбулатор, стационар шароитда тиббий ва психологик ёрдам кўрсатилди.
Хулоса тарзида шуни таъкидлаш жоизки, бугунги мураккаб мафкуравий жараёнларни илмий, амалий жиҳатдан атрофлича таҳлил қилиш ва баҳолаш, ғоявий сиёсий ҳамда ижтимоий ҳуқуқий қадриятларимизга асосланган менталитетимиз ва соғлом дунёқараш асосларини мустаҳкамлаш, ҳар қандай носоғлом мафкура ва ғояларга қарши иммунитетни шакллантириш алоҳида аҳамият касб этади.
Даврон
АЛЛАМБЕРГЕНОВ,
туман прокурорининг катта ёрдамчиси.
(Фото - http://istiqlolavlodi.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
