Амударё тумани маҳаллий бюджетининг 2017 йил биринчи ярим йиллигидаги ижроси тўғрисида
Халқ депутатлари Амударё туман Кенгаши ҚАРОРИ
Амударё тумани маҳаллий бюджетининг 2017 йил биринчи ярим йиллигидаги ижроси тўғрисида
Амударё
тумани ҳокимлиги томонидан тақдим этилган туман маҳаллий бюджетининг
2017 йил I ярим йиллик ижроси тўғрисидаги ҳисоботини кўриб чиқиб
Ўзбекистон Республикаси Бюджет кодексининг 27-моддасига мувофиқ туман
халқ депутатлари Кенгаши ҚАРОР ҚИЛАДИ:
1. Амударё тумани ҳокимлиги томонидан тақдим этилган Амударё тумани маҳаллий бюджетининг 2017 йил I ярим йиллик ижроси тўғрисидаги ҳисобот маълумот учун қабул қилинсин.
2. Туман маҳаллий бюджетининг 2017 йил I ярим йиллик даромадлар қисмининг ижроси 1-иловага ва харажатлар қисмининг ижроси 2-иловага мувофиқ тасдиқлансин.
3. Амударё туман ҳокимининг биринчи ўринбосари М.Темирбаевга, туман молия бўлими мудири вақтинча вазифасини бажарувчи Б.Камоловга, туман Давлат солиқ инпекцияси бошлиғи Ж.Ўразимбетовга ва туман Ғазначилик бўлинмаси бошлиғи У.Таировга:
- бюджет даромадларининг прогноз кўрсаткичларини тўлиғи билан бажариб бориш бўйича зарур чораларни кўриш, шунингдек йил давомида тушумлари пасайиб кетган солиқ турлари бўйича чуқур таҳлиллар олиб бориб, бу соҳада солиқ йиғиш даражасини оширишга алохида эътибор қаратиш;
- аҳолининг турмуш даражасини оширишга йўналтирилган ижтимоий харажатларнинг ўзлаштириб борилишини таъминлаш, шу жумладан, кам таъминланган ва кўп болали оилаларни ижтимоий қўллаб-қувватлашга йўналтирилган чора-тадбирларни амалга ошириш;
- маҳаллий бюджетнинг харажатлар қисми бўйича белгиланган кўрсаткичларини тўлиқ ва ўз вақтида бажарилишини таъминлаш ва ажратилган бюджет маблағларининг натижадорлигига эришилмаётган бюджет муассасаларини қисқартириш юзасидан туман ҳокимлигига таклифлар киритиб бориш вазифалари топширилсин.
4. Ушбу қарорнинг бажарилишини назорат қилиш халқ депутатлари туман Кенгашининг маҳаллий бюджетни шакллантириш ва уни ижро этиш, иқтисодий ислоҳатларни амалга ошириш ҳамда тадбиркорликни ривожлантириш масалалари бўйича доимий комиссия раиси М.Казаков зиммасига юклатилсин.
Халқ депутатлари Амударё туман Кенгаши раиси: С.Йўлдашев
2017 йил 29 июль,
№ 131/35-05
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
