ЧИҚИНДИЛАP – ЭКОЛОГИК МУАММО
Атроф-муҳитга ва аҳоли саломатлигига салбий таъсир этаётган маиший ва бошқа чиқиндилар экологик муаммолардан бирига айланмоқда. Бугунги кунда аҳоли томонидан ташланаётган чиқиндилар атроф-муҳитни ифлослантириши натижасида табиатга, фуқаролар ҳаёти ва соғлигига хавф туғдирмоқда.
Айни пайтда чиқинди муаммоси нафақат Ўзбекистон, балки, бутун дунё аҳолисини ташвишга солмоқда. Аҳоли сони жадаллашиб ўсаётгани сабабли, уларнинг эҳтиёжини қондириш учун миллионлаб турдаги маҳсулотлар ишлаб чиқарилмоқда. Бунинг натижасида чиқиндилар ҳам кўпаймоқда. Бунинг олдини олиш мақсадида эса ҳукуматимиз томонидан кўпгина қонун ҳужжатлари ишлаб чиқилмоқда.
Pеспубликада санитария ва экологик вазиятни яхшилаш, аҳоли турмуш даражаси ва сифатини янада ошириш учун экология ва атроф-муҳитни муҳофаза қилиш қўмитаси ҳузурида “ТОЗА ҲУДУД” давлат унитар корхоналарининг самарали фаолияти ташкил этилди.
Туманда ташкил қилинган “ТОЗА ҲУДУД” ДУКда 7 та махсус чиқинди машиналари ва суюқ чиқиндилар учун битта махсус машина ажратилган бўлиб, аҳолига хизмат кўрсатиб келмоқда. Корхона томонидан жисмоний ва юридик шахслар билан чиқиндиларни олиб чиқиб кетиш бўйича икки томонлама шартномалар тузилиб, аҳолига сифатли хизмат кўрсатилмоқда. Лекин аҳолининг айрим қисми дилни хира қиладиган чиқиндиларни белгиланмаган жойларга ташлаши натижасида туманимиз тозалигига ва экологияга катта зарар етмоқда. Шу сабабли, экология ва атроф-муҳитни муҳофаза қилиш туман бўлими инспекторлари томонидан ноқонуний чиқиндилар ташланган ҳолатлар аниқланиб, қонунбузарларга қонунда белгиланган чоралар кўрилмоқда.
Қонунга кўра, чиқиндиларни белгиланмаган жойларга ташлаган фуқаролар “Маъмурий жавобгарлик тўғрисида”ги Кодекснинг 91-моддасига асосан, энг кам иш ҳақининг бир баробаридан уч баробаригача миқдорда жарима жазосига тортилади.
Азиз ҳамшаҳарлар! Барчамиз юртимиз, туманимиз тоза ва озодалиги учун масъулмиз. Атроф-муҳитнинг чиқиндилар билан ифлосланишига йўл қўймайлик. Табиатни асрайлик!
Жавлон Pажабов,
туман Экология ва атроф-муҳитни муҳофаза қилиш бўлими инспектори.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
