Болаларни мактабгача таълим муассасаларига қабул қилиш бўйича давлат хизматлари йўлга қўйилмоқда
Ўзбекистон Республикаси Вазирлар Маҳкамасининг “Болаларни давлат мактабгача таълим муассасаларига қабул қилиш бўйича давлат хизматлари кўрсатишнинг маъмурий регламентни тасдиқлаш тўғрисида”ги Қарори қабул қилинди. Регламентда болаларни давлат мактабгача таълим муассасаларига (кейинги ўринларда муассасалар деб аталади) қабул қилиш тартиби белгиланган.
Ушбу Регламентнинг амал қилиши болаларни давлат ихтисослаштирилган мактабгача таълим муассасаларига қабул қилишда татбиқ этилмайди.
Ота-оналар ёки уларнинг ўрнини босувчи шахслар (кейинги ўринларда аризачилар деб аталади) йўлланмалар олиш учун Давлат хизматлари марказларига келиб мурожаат қиладилар ёки электрон тарзда давлат хизматлари олиш учун ягона интерактив давлат хизматлари порталида рўйхатга олинадилар. Келиб мурожаат қилинган тақдирда Давлат хизматлари маркази ходими аризачи номидан, ЯИДХП орқали мурожаат қилинган тақдирда эса аризачи давлат хизматлари олиш учун анкетани электрон тарзда мустақил равишда, ваколатли органнинг расмий веб-сайтида жойлаштирилган маълумотдан фойдаланган ҳолда ушбу Регламентга мувофиқ шакл бўйича анкета тўлдиради.
Аризачилардан ушбу бандда кўрсатилмаган маълумотларни, шунингдек бошқа ҳужжатларни тақдим этишни талаб қилиш қатъиян тақиқланади. Аризачилар анкетада бўш ўринларга эга бўлган муассасани (йўлланма олиш учун), бўш ўринларга эга бўлмаган муассасани (навбатга киритилиши учун), бўш ўринларга эга бўлмаган иккита муассасани (навбатга киритилиши учун), бўш ўринларга эга бўлган битта муассасани (йўлланма олиш учун) ва бўш ўринларга эга бўлмаган бошқа муассасани (навбатга киритилиши учун) кўрсатиш ҳуқуқига эгадир.
Аризачи фарзандини муассасага қабул қилишнинг кичик ёшга етгунигача навбатга қўйиш ҳуқуқига ҳам эга саналади. Йўлланма муассасага қабул қилиш бўйича кичик ёшга етишидан эрта бўлмаган муддатда берилади.
Болаларни муассасага қабул қилиш бўйича давлат хизмати бепул амалга оширилади.
У.САПАРБАЕВА,
туман Давлат хизматлари маркази бўлим бошлиғи.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
