Дўрман овулида китобхон ёшлар кўп
Овулдаги 20-сонли умумтаълим мактаби ҳовлиси шу кунларда баҳор тароватидан янада кўркам қиёфа касб этди. Баланд ва серсоя гужумлар, хушбўй гуллар, нинабаргли дов-дарахтлар қулф уриб турган бу мўътабар масканда бўлиб ўтган “Тараққиёт кўзгуси” газетаси таҳририяти ва “Жайхун илҳомлари” ННТ ҳамкорлигида эълон қилинган Оммавий китобхонлик ойлигининг “Сайёр китоблар карвони” лойиҳасида нафақат мактаб ўқувчи-ёшлари, балки уларнинг ота-оналари ҳам фаол иштирок этдилар.
Тадбирда “Жайхун илҳомлари” ННТ раиси Аҳмад Нафасов, “Сайёр китоб карвони” лойиҳаси ҳамкори Ўзбекистон журналистлар Ижодий уюшмаси аъзоси Алламберган Жуманиёзов, “Тараққиёт кўзгуси” газетаси махсус мухбири Pобия Йўлдошева, Дўрман овулида истиқомат қилувчи шоир Шомурод Хўжанов, 20-сонли мактаб ўқитувчиси Эркин Қурбонбоевлар китобхонликнинг аҳамияти, мамлакатимизда ижод аҳлига кўрсатилаётган эътибор ва рағбат, шунингдек мамлакатимиздаги нуфузли нашриётларда чоп этилаётган янги асарлар ва уларнинг муаллифлари, энг яхши, билимдон китобхонларни рағбатлантириш борасида олиб борилаётган ишлар, маънавий-маърифий соҳадаги ўзгаришлар ҳақида ўқувчи-ёшларга гапириб бердилар. Иштирокчиларни “Сайёр китоб карвони” лойиҳаси доирасидаги “Энг яхши совға – китоб”, “Кутубхонага китоб совға қиламан” акциясида фаол иштирок этишга даъват этдилар.
Тадбирда “Китоблар олами” фирма дўконининг кўчма савдо растаси ташкил этилиб, иштирокчиларга намунали савдо хизмати кўрсатилди. “Жайхун илҳомлари” ННТ нинг “Кўчма кутубхонаси” ҳамкори Дилдора Pажабованинг хизматидан кўпчилик мамнун бўлди. Шу куни “Жайхун илҳомлари” ННТкутубхонасига 20 нафар ўқувчи-ёшлар аъзо бўлдилар ва ўзлари учун манзур бўлган китобларни ўқиш учун танлаб олдилар.
Pобия Йўлдошева.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
