Дўстини излаётган Аяпберген оғага ёрдам беринг!
Инсон умри давомида жуда кўп инсонлар билан учрашади, ҳамсуҳбат, сафардош бўлади, ҳатто узоқ вақт бирга, бир мақсад йўлида хизмат қилади. Лекин ҳаёт сўқмоқларида учратган одамларнинг ҳаммаси ҳам ёдимизда қолавермайди.
Таҳририятимизга катта умид билан келган, Нукус шаҳрида яшовчи Аяпберген Ерекеев эса узоқ йиллардан бери кўрмаган, бир бора учрашиб, дийдорлашмоқ учун излаб топаолмаётган амударёлик хизматдан дўстини ҳар куни ўйлайди, дўсти билан боғлиқ хотираларини эслайди.
Унинг исм-шарифи Худойберган Тажиев эди, - дейди Аяпберген оға. – Истараси иссиқ, меҳрибон, оқкўнгил, жуда самимий йигит эди. Ҳарбий хизматда бирга бўлганмиз.
Аяпберген Ерекеевнинг айтишича, Худойберган Тажиев билан Сурхондарё вилоятининг Термиз шаҳри яқинидаги “Уч қизил” посёлкасида жойлашган 34 33212-ҳарбий қисмда 1982-йилларда маълум вақт биргаликда хизмат қилишган. Ҳаёт турли синовларга, икир-чиқирларга тўла. Айрим сабабларга кўра Аяпберген Ерекеев Худойберган Тажиевнинг уй манзили ёзилган альбомини йўқотиб қўйган.
-Дўстимни соғиндим, ундан кўп яхшиликлар кўрганман, уни топишимга ёрдам беринг, - дейди кўзлари соғинч ёшларига тўлиб Аяпберген Ерекеев.
Қадрли юртдошлар! Туманимизнинг қайсидир ҳудудида Аяпберген оға Ерекеев соғинч билан излаётган дўсти Худойберган Тажиев ким? У ҳақда билганлар бўлса ёки агар дўстининг излаётганидан хабар топган Худойберган Тажиев туманимизда яшаётган бўлса, садо беринг! Икки дўстнинг дийдорлашувига, учрашиб, бир-бирларига бағрини очиб севинишларига ёрдам берайлик!
Маълумот учун: Аяпберген Ерекеевни хизматдошлари “Алик” деб чақиришган. Унинг уй телефони рақами: 229-11-14, мобиль телефони: 90-654-71-18
Таҳририят телефон рақами 515-30-21, 515-31-86.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
