“МАДҲИЯМИЗНИ КУЙЛАЙМИЗ” ТАДБИРИ БЎЛИБ ЎТДИ
Давлат мадҳияси – халқ орзу-умидлари, куч-қудратини ўзида мужассам этган. Халқ ва миллат юрагига ёзилган қўшиқ. Унда ЭРК,ҲУРЛИК, АДОЛАТ ва БАХТ-САОДАТ тараннум этилади. Мадҳия янграган лаҳзаларда қалбларда ватанпарварлик, элпарварлик, киндик қони томган тупроққа чексиз меҳр-муҳаббат туйғулари янада жўш уради. Халқ билан Ватаннинг мангу жипслиги намоён бўлади.
Бундан 27 йил муқаддас Мустақил Ўзбекистон халқи тарихида дилларда келажакка ишонч, олдинга ташланаётган ҳар бир қадамга куч-қудрат бахш этувчи қувончли, тарихий воқеа юз берди. 1992 йил 10 декабрда Мустақил Ўзбекистоннинг давлат мадҳияси қабул қилинди. Мутаваккил Бурхонов мусиқаси, Абдулла Орипоа шеъри билан илк марта жаранглаган давлат мадҳияси 27 йилдирки, дунёнинг барча қитъаларида қайта-қайта янграмоқда. Илмда, санъат ва спортда юксак натижаларни қўлга киритаётган Ўзбекистон ёшларининг куч-қудрати, баркамоллиги шарафига янграётган мадҳиямиз орқали ўзбек халқи бугун жаҳонда ўз нуфузига эга халқ ва миллат сифатида танилиб улгурди.
Айни кунларда туманимиздаги ўқув муассасаларида ва жамоат ташкилотларида, маданият ҳамда мактабгача таълим ташкилотларида Ўзбекистон давлат мадҳияси қабул қилинганлигининг 27 йиллигига бағишланган маданий-маърифий, адабий-мусиқий тадбирлар бўлиб ўтмоқда.
10 декабрь куни 16-сонли ихтисослаштирилган давлат умумтаълим мактабида бўлиб ўтган “Мадҳиямизни куйлаймиз” деб номланган адабий-мусиқий тадбирда мактаб ўқитувчилари ва ўқувчи-ёшлар фаол иштирок этдилар.
Миллий ғоя, ватан туйғуси ва одобнома фанлар ойлиги доирасида ўтказилган мазкур тадбирда мактабнинг услуб бирлашма раҳбари Гўзал Қаипова, Миллий ғоя фани ўқитувчиси Хосият Қутимова, ҳуқуқ фани ўқитувчиси Адолат Давекова ҳамда тарих фани ўқитувчиси Маърифат Ражабовалар Ўзбекистон давлат мадҳиясининг яратилиш тарихи ва унинг халқимиз ҳаётида тутган ўрни ҳақида ўқувчи-ёшларга батафсил маълумот бердилар.
Тадбирнинг бадиий қисмида Ўзбекистон мадҳияси янграб, ўқувчи-ёшлар мадҳия оҳангларига жўр бўлиб куйладилар. Мадҳиямизни мадҳ этувчи меърлар айтишиб, қўшиқ ва рақслар ижро этдилар.
Миллий ғоя, ватан туйғуси ва одобнома фанлар ойлиги доирасида ўтказилган ушбу тадбир ўқувчи-ёшлар қалбида она юртга чексиз меҳр-муҳаббат, ўзаро меҳр-оқибат, халқпарварлик, миллий ғурур туйғуларини янада мустаҳкамлади.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
