МЎЛ ҲОСИЛ ЕТИШТИРИЛИШИГА ҲИССА ҚЎШАЁТГАНИМИЗДАН МАМНУНМИЗ
Қишлоқ хўжалиги экинларидан мўл ва сифатли ҳосил олиш, тармоқни илғор усуллар асосида ривожлантиришда соҳанинг моддий-техник базасини мустаҳкамлаш, машина-трактор паркларини замонавий техника ва агрегатлар билан таъминлаш муҳим ўрин тутади.
Туманимизда қишлоқ хўжалиги маҳсулотларини етиштиришда самарали фаолият олиб бораётган бизнинг “Йўлдош Ўрозбоев” ММТП жорий йилги пахта режасини амалга оширишда энг илғорлардан бири бўлди. ММТП ҳудудимиздаги 19 та фермер хўжаликларига режадаги ҳосилни етиштиришда сифатли хизмат кўрсатиб келмоқда. Бугунги кунда “Йўлдош Ўрозбоев” ММТП хизмат кўрсатувчи фермер хўжаликларида 888 гектар экин майдонига чигит экилиб, 2055 тонна пахта ҳосили етиштирилди, режа 110 фоизга бажарилди. Бизнинг ММТП хизмат кўрсатадиган фермер хўжаликларида пахта экин майдонларининг ҳар гектарига 750 кг. минерал ва органик ўғитлар сарфланди. Пахта йиғим-терим ишларида 476 нафар фермер хўжаликлари ишчи ходимлари, 884 нафар уюшмаган аҳоли, жами 1360 нафар теримчилар иштирок этдилар.
ММТП таркибида кўплаб замонавий ҳамда сифатли хизмат кўрсатадиган техникалар мавжуд. Хусусан, 24 дона культиватор, 15 дона пахта экиш сеялкалари, юқори унумли 3 дона “Орион” русумли трактор, 10 дона “Белорусь МТЗ-80” русумли, 1 дона “Белорусь-1221”, 2 дона “Магнум”, 3 дона янги “ТД5-110” русумли тракторлар, 3 дона “Класс доминатор” буғдой янчийдиган комбайнлар, 50 дона трактор тиркамалари пахта етиштирувчи фермер хўжаликларига чигит экилгандан то ҳосил йиғиб-териб олингунга қадар бўлган даврда самарали хизмат кўрсатиб келмоқда.
Биз меҳнат жамоамиз билан мамлакатимиз қишлоқ хўжалиги соҳасининг янада тараққий этишига, туманимиз пахта режасининг ортиғи билан бажарилишига ўз ҳиссамизни қўшаётганимиздан мамнунмиз.
Қурбонғали Бешбоев, “Йўлдош Ўрозбоев” ММТП раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
