Эркин фаолиятнинг ишончли кафолати
Мамлакатимиз халқи, шу жумладан, ёшларимиз таълим, спорт ёки иқтисодиёт соҳаси деймизми, хуллас, барча жабҳада дунёда ҳеч кимдан кам эмасликларини намоён этишмоқда. Қўлга киритаётган ютуқларимиз кундан-кунга салмоқли бўлиб бораяпти.
Бироқ бу ўз-ўзидан бўлаётгани йўқ. Бу
борада Конституциямиз мустаҳкам ҳуқуқий асос бўлиб хизмат қилмоқда,
десак, айни ҳақиқатни айтган бўламиз. Зеро, Асосий Қонунимизда эркин
ишлаш ва касб танлаш ҳуқуқи, ҳамма касб эгалари фаолияти эркинлиги
мустаҳкам кафолатланган.
Дарҳақиқат, ҳаётимизда Асосий Қонунимизнинг
ўрни беқиёс. Мазкур ҳужжат замон билан ҳамқадамлиги, мукаммаллиги,
халқимиз дилидаги эзгу ғояларни ўзида ифода этганлиги билан ҳар биримиз
учун ниҳоятда қадрлидир. Хусусан, унинг 36-моддасида: "Ҳар бир шахс
мулкдор бўлишга ҳақли” деб белгилаб қўйилганки, бу юртимизда
мулкчиликнинг барча шаклига кенг ўрин берилиб, мулкдорлар фаолияти
давлат ҳимоясига олинганидан далолатдир.
Фермер хўжалигимизни 2002
йилда ташкил этган бўлсак, ўтган даврда яратиб берилган қулай
шарт-шароитлардан унумли фойдаланиб, муайян ютуқларга эришаяпмиз. Энг
муҳими, меҳнатимизнинг роҳатини кўраяпмиз.
Ҳозирги кунда ихтиёримизда
184,9 гектар ер бор. Бу ерда пахта ва ғалладан мўл ҳосил етиштиришдан
ташқари, боғдорчилик, сабзавотчилик, асаларичилик, балиқчилик каби
қўшимча тармоқларни ривожлантиришга ҳам катта эътибор қаратаяпмиз.
Даромад эса шунга яраша бўлмоқда. Фойданинг бир қисмини замонавий
техникалар сотиб олиш ҳамда фаолиятимизни янада кенгайтиришга
йўналтираяпмиз.
Хўжалигимизда 147 киши меҳнат қилади. Уларнинг
фидокорона меҳнати туфайли ўтган йили эл дастурхонига 14 тонна мева, 1,4
тонна балиқ ва бошқа қишлоқ хўжалиги маҳсулотларини тортиқ этган
бўлсак, бу йил уларнинг миқдорини янада кўпайтиришга ҳаракат қилаяпмиз. Ғалла ва пахта хирмонларимиз ҳам тобора юксалиб бормоқда.
Жорий
йилда, шунингдек, "Қиличбой” овул фуқаролар йиғини ҳудудида
автомобилларга техник хизмат кўрсатиш шохобчасини ишга тушириб, қўшимча
иш ўрни яратдик. Шу кунларда тикувчилик цехини ҳам ташкил этиш
ҳаракатидамиз. Насиб қилса, бу лойиҳамиз рўёбга чиққач, касб-ҳунар
коллежларини битирган ўнга яқин чевар қизларни иш билан таъминлаймиз.
Шу
билан бирга, келгуси йил ҳосили учун замин яратишни ҳам эътибордан
четда қолдирмаяпмиз. Ерни экин-тикин ишларига ҳозирлаш ва кузги буғдой
экиш ишлари жадал олиб борилмоқда. Бундан кўзлаган асосий мақсадимиз
юртимиз равнақи, халқимиз турмуш фаровонлиги ошишига муносиб ҳисса
қўшишдан иборатдир.
Отахон ҚУРБОНИЁЗОВ,
Амударё туманидаги «Амирхон» фермер хўжалиги раҳбари,
«Шуҳрат» медали соҳиби.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
