САЙЛОВ ЮКСАК САВИЯДА ЎТМОҚДА
Бугун соат 6:00 да барча жойларда бўлгани каби Қорақалпоғистон Рспубликасининг Амударё туманида ҳам Ўзбекистон Республикаси Президенти сайловини ўтказувчи барча 58 та сайлов участкалари эшиклари сайловчилар учун очилди. Ўзбекистон Республикаси Давлат мадҳияси янгради сайловчилар ўз конституциявий ҳуқуқларини амалга оширишга киришдилар.
Туманда сайловчилар рўйхатига 117772 нафар сайловчи киритилган.Ўзбекистон Республикаси Президенти сайловини ўтказувчи 77 участка сайлов комиссиясида ҳам сайлов юксак савияда ўтмоқда.
Мазкур сайлов участкасида 2366 нафар сайловчилар рўйхатга киритилган бўлиб, соат 10-00 гача уларнинг аксарият қисми ўз конституциявий ҳуқуқларини амалга оширдилар.
70 ёшли нуроний отахон Фарҳод Абдуллаев ҳам сайловда қатнашиб юртимизнинг тинчлиги ва осойишталиги, ободлиги ва фаровонлиги учун ўз овозини берди.
Айтиш кераки, Ўзбекистон Республикаси Президентлигига бу галги сайлов фуқароларнинг ижтимоий ва сиёси фаоллиги юксалган янги социал-иқтисодий шароитда ўтказилмоқда.
Сайлов участкаларида сиёсий партиялар кузатувчилари ва оммавий ахборот воситалари вакиллари сайловларнинг очиқ ва ошкора ўтаётганини кузатиб бормоқдалар.
Фуқаролар Ўзбекистон Республикаси Президенти сайловида ўз овози муҳим аҳамиятга эга эканлигини чуқур ҳис қиладилар. Шу сабабли улар юрт истиқболи ва халқимизнинг ёруғ келажагига ўзини дахлдор ҳис қилиб, сайловида фаол иштирок этмоқдалар.
Участка сайлов комиссиялари жойлашган бинога сайловчилар келиши давом этмоқда.
Ғуломжон ЕШНИЁЗОВ,
Амударё туманидаги
"Тараққиёт кўзгуси” газетаси
бош муҳаррири.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
