Siyosat 04.02.2016 👁 3,716

2015-yilda Amudaryo tumanini ijtimoiy-iqtisodiy rivojlantirish yakunlari va 2016-yilga moʻljallangan ijtimoiy-iqtisodiy dasturining eng muhim ustuvor yoʻnalishlari yuzasidan tuman hokimining hisoboti toʻgʻrisida

XALQ DEPUTATLARI AMUDARYo TUMAN KENGAShI QARORI

"Mahalliy davlat hokimiyati toʻgʻrisida”gi Oʻzbekiston Respublikasi Qonunining 25¹-moddasiga hamda xalq deputatlari Amudaryo tuman Kengashi Reglamentining 60¹-moddasiga asosan 2015-yilda Amudaryo tumanini ijtimoiy-iqtisodiy rivojlantirish yakunlari va 2016-yilga moʻljallangan ijtimoiy-iqtisodiy dasturining eng muhim ustuvor yoʻnalishlari yuzasidan tuman hokimining birinchi oʻrinbosari B.Ernazarovning hisobotini tinglab va muhokama qilib, xalq deputatlari tuman Kengashi Q A R O R Q I L A D I :

1. 2015 yilda Amudaryo tumanini ijtimoiy-iqtisodiy rivojlantirish yakunlari va 2016-yilga moʻljallangan ijtimoiy-iqtisodiy dasturining eng muhim ustuvor yoʻnalishlari toʻgʻrisidagi masala yuzasidan tuman hokimining birinchi oʻrinbosari B.Ernazarovning hisoboti maʼlumot uchun qabul qilinsin.

2. Tuman hokimining birinchi oʻrinbosari B.Ernazarovning hisobotini muhokama qilish yakunlari, doimiy komissiya xulosasi va partiya guruhlari fikr-mulohazalarini inobatga olgan holda tuman hokimi va mahalliy ijroiya hokimiyati organlari ishining samaradorligi qoniqarli deb baholansin.

3. Amudaryo tumani hokimligi (B.Ernazarov, M.Temirboyev):

-2015-yilda hududni ijtimoiy-iqtisodiy rivojlantirish dasturlarining eng muhim ustuvor yoʻnalishlari hisoblangan ishlab chiqarishni modernizatsiyalash va sanoatni diversifikatsiyalash, eksportga mahsulot chiqaruvchi korxonalarni qoʻllab-quvvatlash boʻyicha qabul qilingan maqsadli dasturlarning bajarilishi;

- hisobot davrida kreditor va debitor qarzdorlikni kamaytirish, korxonalarning moliyaviy holatini mustahkamlash borasidagi ishlari, jumladan, xizmat koʻrsatuvchi va taʼminotchi korxonalar oʻrtasidagi debitor qarzdorlikni kamaytirish;

- yoʻl transport infrastrukturasini rivojlantirish, shuningdek qishloq joylarida namunaviy loyihalardagi turar joylar qurilishi boʻyicha yoʻl qoʻyilgan kamchiliklarni bartaraf qilish hamda bu boradagi ishlarda tegishli tashkilotlar masʼuliyatni oshirish boʻyicha choralar koʻrsin.

4. "Ellikqalʼa neftbazasi” unitar korxonasi Qoratov filiali, "QQqishloqxoʻjalikkimyo” hududiy aktsiyadorlik jamiyati tuman filiali, "Qoraqalpoq hududiy elektr tarmoqlari korxonasi” aktsiyadorlik jamiyati Amudaryo tuman elektr taʼminoti korxonasi va "Shimolgaztaʼminot” unitar korxonasining "Amudaryotumangaz” filiali rahbarlariga debitorlik qarzdorlikning oʻsib ketishiga yoʻl qoʻyganliklari hamda bu boradagi ishlari yetarli emasligi koʻrsatib oʻtilsin.

5. Amudaryo tuman hokimligi (B.Ernazarov, M.Temirboyev)ga 2016-yilgi ijtimoiy-iqtisodiy rivojlantirish dasturlarining eng muhim ustuvor vazifalarini bajarishni taʼminlash maqsadida:

- hududni ijtimoiy-iqtisodiy jihatdan rivojlantirish, ishlab chiqarishni modernizatsiyalash va diversifikatsiyalash yoʻnalishidagi islohotlarni, ayniqsa, sanoatda va qishloq xoʻjaligini tubdan tizimli oʻzgartirishlarni soʻzsiz davom ettirish, shuningdek, kichik biznesni jadal rivojlantirish va ushbu soha vakillarining manfaatlarini himoya qilishni taʼminlash;

- 2016-2019 yillarda muhandislik-kommunikatsiya va yoʻl transport infratuzilmasini rivojlantirish dasturining asosiy tadbirlarini soʻzsiz amalga oshirish;

- ijtimoiy sohani yanada rivojlantirish, shuningdek aholining turmush darajasini yana-da yaxshilashga alohida eʼtibor qaratish;

- eksport qiluvchi korxonalarni qoʻllab-quvvatlashni yanada kuchaytirish, fermer xoʻjaliklari, kichik biznes va ishbilarmonlik subʼektlarining eksport ishlaridagi munosabatlarini har tomonlama qoʻllab-quvvatlash va ragʻbatlantirib borish;

- iqtisodiyot sohalarida zamonaviy axborot-kommunikatsiya texnologiyalarini keng joriy qilish, "Elektron hukumat” tizimi ishlarini rivojlantirish ilojlarini koʻrish;

- 2016 yilda mahalliy byudjet daromadlari bazasini kengaytirish, moliyaviy potentsialini mustahkamlash hamda mahalliy byudjetning respublika byudjetidan olinadigan subventsiya miqdorini kamaytirish boʻyicha kompleks chora-tadbirlarni ishlab chiqish, korxona-tashkilotlar bilan birgalikda yil oxiriga qadar subventsiya ulushini kamaytirish ilojlarini koʻrish;

- "Sogʻlom ona va bola yili” davlat dasturiga kiritilgan chora-tadbirlarning oʻz vaqtida va sifatli bajarilishi boʻyicha ishlarni muvofiqlashtirish va ushbu tadbirlarning bajarilishini tizimli nazorat qilish;

- 2016 yilda yangi ish oʻrinlarini tashkil etish va aholi bandligini taʼminlash dasturi koʻrsatkichlarining soʻzsiz bajarilishini taʼminlash, birinchi navbatda, kollej bitiruvchilarining, ayniqsa, qishloq joylarida ishga joylashtirishning aniq ilojlarini koʻrib borish topshirilsin.

6. Xalq deputatlari tuman Kengashi doimiy komissiyalari raislari va deputatlariga:

- 2016 yilga moʻljallangan ijtimoiy-iqtisodiy rivojlanishning eng muhim yoʻnalishlari maqsadli dasturlarining bajarilishini doimiy nazoratga olish va tanqidiy jihatdan baho berish, jamoat va nodavlat tashkilotlari bilan birgalikda dasturlarning bajarilishi ustidan jamoat nazoratini amalga oshirish;

- dastur loyihalarining bajarilishi yuzasidan hududdagi tegishli tashkilotlar rahbarlarining hisobotlarini doimiy komissiyalar majlislarida muhokama qilib borish;

- tuman hududini rivojlantirish boʻyicha belgilangan loyihalarning amalga oshirilishini oʻz saylov okruglarida nazorat qilish vazifalari topshirilsin.

7. "Taraqqiyot koʻzgusi” gazetasi, Amudaryo televideniyesi va amunews.uz veb-sayti tahririyatlariga ushbu qarorni hamda tuman hokimining hisobotini yoritish tavsiya etilsin.

8. Ushbu qarorning ijrosini nazorat qilish xalq deputatlari tuman Kengashining mahalliy byudjetni shakllantirish va uni ijro etish, iqtisodiy islohotlarni amalga oshirish hamda tadbirkorlikni rivojlantirish masalalari boʻyicha doimiy komissiyasi raisi M.Kazakov zimmasiga yuklatilsin.

Sessiya raisi: M.Sadullayev.

Mangʻit shahri, № 51/14-05, 26 yanvar, 2016-yil.