Siyosat 07.03.2017 👁 3,857

Deputatlar aholi murojaatlarini tinglamoqda

Joriy yilning "Xalq bilan muloqot va inson manfaatlari yili” munosabati bilan aholi bilan koʻproq muloqot qilish, ular bilan dildan suhbat qurish, muammolarini oʻrganish maqsadida Oʻzbekiston Respublikasi Oliy Majlis Qonunchilik palatasi deputati, O’zLiDeP fraktsiyasi aʼzosi Zafar Xaniyazov Amudaryo tumanining aholisi bilan uchrashdi.

Uchrashuvlardan koʻzlangan asosiy maqsad esa tuman miqiyosidagi barcha sohalarda qilingan ishlarga tanqidiy yondoshish, oʻtgan yilning "Sogʻlom ona va bola yili” Davlat dasturiga muvofiq tumanda amalga oshirilgan ishlarni tahlil qilish va joriy yil "Xalq bilan muloqot va inson manfaatlari yili” munosabati bilan galda turgan dolzarb vazifalar boʻyicha fikrlar mushohada qilindi.
Ayni paytda asosiy qonunimizda umumeʼtirof etilgan demokratik printsiplar bilan birga, xalqimizning bebaho qadriyatlari va boy davlatchilik tajribasini ifodalash bilan birga Birinchi Prezidentimizning saʼy-harakatlari bilan Konstitutsiyamizda "inson va uning qadr-qimmati” degan ulugʻ tushuncha markaziy oʻringa chiqdi dedi – Oʻzbekiston Respublikasi Oliy majlis Qonunchilik palatasi deputati O’zLiDeP fraktsiyasi aʼzosi Zafar Xaniyazov.

Депутатлар аҳоли мурожаатларини тингламоқда

Asosiy qonunimizga muvofiq, inson va uning hayoti, shaʼni va qadr-qimmati, huquq va erkinliklari muqaddas sanalib, davlat tomonidan himoya qilinishi belgilangan. Aynan Davlat dasturining "Davlat va jamiyat qurilishini takomillashtirish” deb nomlangan birinchi yoʻnalishini amalga oshirishda davlat hokimiyati tizimida Oliy Majlisning rolini kuchaytirish, qonun ijodkorligi faoliyatining sifatini tubdan yaxshilash, davlatning hayotida siyosiy partiyalarning rolini kuchaytirish nazarda tutilgan. Bu esa partiyaning davlat va jamiyat qurilishini demokratlashtirish va liberallashtirish sohasi bilan hamohangdir. Bu borada biz deputatlarga ham katta masʼuliyat yuklaydi. Bugungi uchrashuvlarda ham asosan tumandagi "Xitoy” OFY, "Buz-yop” OFY va "Tor-yop” ovul fuqarolar yigʻini hududlarida istiqomat qilayotgan aholining turmush sharoitlari bilan yaqindan tanishish, oʻrganish maqsadida har bir xonadonda istiqomat qiladigan fuqarolarning murojaatlari tinglandi.

Shu bois tumandagi ovul fuqarolari yigʻini aholisi oʻz muammolari bilan oʻrtoqlashdi. Bugungi kunda tumandagi "Xitoy” ovul fuqarolar yigʻinida jami aholi soni 3356 nafarni tashkil etadigan boʻlsa, undagi xoʻjaliklar soni 598 tani va 659 ta oila boʻlsa istiqomat qilib kelmoqda. Ushbu ovul fuqarolar yigʻinidagi 20 ta oilalarga kirib ushbu hududta bugungi kunda olib borilayotgan ishlar toʻgʻrisida aholini tashvishga solayotgan muammolar, kamchiliklar va takliflar bilan yaqindan tanishib chiqdi. Ushbu hududta yashovchi fuqaro T.Bozorbayev bilan uchrashganimizda hudud markazidan suyultirilgan gaz balonlarni toʻldirilgan gaz balonlarga almashtirish uchun "Markaziy shaxobchasidan” filialining shaxobchasini ochish taklifini bildirishdi. Qolaversa, hududga payavzal tuzatish ustoxonasi kerakligini aytib oʻtdi. Bundan tashqari tumanda istiqomat qiladigan fuqaro T.Oʻrazimbetov ham 1967-yilda qurilgan transformator eskirganligi, Xorazm fidrdan namunani ajratish kerakligi toʻgʻrisidagi muammosini aytdi. Qolaversa tuman aholisi hududga koʻmir shaxobchasini ochish masalasida yordam berishini, apteka, hammom, goʻzallik saloni, sartaroshxona hamda tungi yoritqichlar oʻrnatish kerakligi boʻyicha oʻz takliflarini bildirib oʻtishdi.

Tumandagi "Buz-yop” ovul fuqarolar yigʻinida ham 14 ta oilaning har bir xonadoniga kirib, ularni qiynayotgan muammolari bilan oʻrtoqlashdi. Ushbu hudud fuqarosi K.Yusupova chorvachilik boʻyicha kredit olishga yordam soʻrab, ushbu masalaning yechimini 3 kun ichida hal qilish boʻyicha chora koʻrilishini taʼkidlab oʻtdi. Fuqaro Sh.Shamuratov esa hududga 8 km yoʻlning taʼmir-talab ekanligini aytib, ushbu masalada yordam soʻradi.
Shuning uchun ham yuqoridagi uchrashuvlar jarayonida koʻproq aholining kommunal, transport va savdo xizmati, yoʻllarning holati, energiya taʼminoti va ijtimoiy sohalar boʻyicha oʻz muammolari bilan murojaat qilishdi. Bu boʻyicha Oliy Majlis deputati, O’zLiDeP fraktsiyasi aʼzosi Zafar Xaniyazov oʻz takliflarini bildirib, yechimini koʻtayotgan murojaatlarni bartaraf etish boʻyicha tegishli vazifalar belgilab olindi.

Asem Sirimbetova
O’zLiDeP Qoraqalpogʻiston Respublikasi
Kengashi Matbuot xizmati