Siyosat 30.07.2017 👁 4,275

Xalq deputatlari Amudaryo tuman Kengashining sanoat, transport, qurilish, kommunal xoʻjaligi masalalari va aholiga xizmat koʻrsatish boʻyicha doimiy komissiyasining faoliyati yuzasidan hisoboti toʻgʻrisida

Xalq deputatlari Amudaryo tuman Kengashi QARORI

Xalq deputatlari tuman Kengashining sanoat, transport, qurilish, kommunal xoʻjaligi masalalari va aholiga xizmat koʻrsatish boʻyicha doimiy komissiyasining faoliyati yuzasidan doimiy komissiya raisi M.Sadullayevning hisobotini tinglab va muhokama qilib "Mahalliy davlat hokimiyati toʻgʻrisida”gi Oʻzbekiston Respublikasi Qonunining 6-, 24-moddalariga va "Xalq deputatlari Amudaryo tuman Kengashi Reglamenti”ning 56-moddasiga asosan xalq deputatlari tuman Kengashi QAROR QILADI:

1. Xalq deputatlari tuman Kengashining sanoat, transport, qurilish, kommunal xoʻjaligi masalalari va aholiga xizmat koʻrsatish boʻyicha doimiy komissiyasi raisi M.Sadullayevning hisoboti qoniqarli deb topilsin.

2. Xalq deputatlari tuman Kengashining sanoat, transport, qurilish, kommunal xoʻjaligi masalalari va aholiga xizmat koʻrsatish boʻyicha doimiy komissiyasiga:

- Xalq deputatlari tuman Kengashining 2017-yil 21-iyundagi "Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasining 2017-yil 26-maydagi "Namunaviy xalq deputatlari Kengashlari faoliyatini kuchaytirish yuzasidan chora-tadbirlar rejasini tasdiqlash toʻgʻrisida”gi SKQ-7-III-sonli qarori haqida”gi 123/33-05-sonli qarori bilan tasdiqlangan Amudaryo tuman Kengashi faoliyatini kuchaytirish yuzasidan chora-tadbirlar rejasi bandlarining ijrosini taʼminlash;

- komissiya faoliyatida Oʻzbekiston Respublikasi Oliy Majlisi Senatining mahalliy hokimiyat vakillik organlari faoliyatini kuchaytirishga koʻmaklashuvchi komissiyasining xalq deputatlari tuman Kengashlari, doimiy komissiyalari va deputatlari tomonidan oʻz zimmasiga yuklatilgan vazifalar va funktsiyalarini roʻyobga chiqarish davomida hujjatlarni qabul qilishga doir yagona amaliyotni shakllantirish maqsadida qabul qilingan hujjatlar namunalari asosida ish olib borish;

- Oʻzbekiston Respublikasi Prezidentining 2017-yil 7-fevraldagi Farmoni bilan tasdiqlangan 2017-2021-yillarda Oʻzbekiston Respublikasini rivojlantirishning beshta ustuvor yoʻnalishi boʻyicha Harakatlar strategiyasini "Xalq bilan muloqot va inson manfaatlari yili”da amalga oshirishga oid davlat dasturida belgilangan tegishli bandlarni ijro etilishini taʼminlash ustidan doimiy deputatlik nazoratini oʻrnatish;

- "Xalq deputatlari Amudaryo tuman Kengashining Reglamenti” va "Xalq deputatlari Amudaryo tuman Kengashining doimiy komissiyalari toʻgʻrisidagi Nizomi” talablariga asosan komissiya ish faoliyatini va komissiya aʼzolari faolligini yanada kuchaytirish;

- komissiyaning har bir majlisi muhokamasiga kiritilayotgan masalalarni oʻrganishda komissiya tarkibidagi deputatlarning tayyorgarlik darajasini hisobga olgan holda vazifalarni toʻgʻri taqsimlash va har bir aʼzosiga aniq topshiriqlar berish;

- hudud uchun muammo boʻlgan masalalarni oʻrganish, korxona va tashkilotlarda amaldagi qonunlar ijrosining bajarilishi yuzasidan oʻrganishlar oʻtkazish, aniqlangan kamchiliklarni bartaraf qilishda tashkilotlar va muassasalarga har tomonlama yordamlar koʻrsatish;

- hokimlik boʻlim va boshqarmalari, korxonalar, muassasalar va tashkilotlar rahbarlarining komissiya vakolatiga taalluqli masalalar boʻyicha axborotlarini eshitish, tavsiya berish va uning ijrosini nazorat qilish;

- komissiya aʼzolarini fuqarolarni qabul qilish va saylovchilar bilan uchrashuvlarini tashkil etish va uning amalga oshirilishini nazorat qilish vazifalari topshirilsin.

3. "Taraqqiyot koʻzgusi” gazetasi, "Amudaryo televideniyesi" va "Amunews.uz” tahririyatlariga tuman Kengashi doimiy komissiyalari va deputatlari faoliyatlarini doimiy ravishda yoritib borish tavsiya qilinsin.

4. Ushbu qarorning bajarilishini nazorat qilish xalq deputatlari tuman Kengashining Reglament va deputatlik odobi masalalari boʻyicha doimiy komissiyasi raisi X.Rajabova zimmasiga yuklatilsin.

5. Ushbu qaror qabul qilingan kundan eʼtiboran kuchga kiradi.

Xalq deputatlari Amudaryo tuman

Kengashi raisi: S.Yoʻldashev

2017-yil 29-iyul,

№ 132/35-05