AYoL MAKRI
Ayol! Dunyodagi jami ezguliklar va eng goʻzal sifatlar timsoli u. Bu soʻz
jaranglagan damda har birimizning koʻz oʻngimizda faqat bolam, deb yashaydigan
onajonimiz gavdalanadi. Biroq afsuski, hamma ayollarga ham bu oʻxshatishimiz toʻgʻri
kelavermasligini hayot koʻrsatmoqda. Afsuski…
Gulnora Yeshimbetova (ism-familiyasi oʻzgartirildi) ham shundaylarning biri. U
hayotda halol yashab, bolalarini voyaga yetkazib, toʻgʻrisoʻz, el xizmatiga kamarbasta
qilib tarbiyalash oʻrniga… qingʻir yoʻlni tanladi.
U 2011
yilning 11-apreldan 22-may kuniga qadar Mangʻit shahrida va "Toʻlqin” ovulida
istiqomat qiluvchi 24 nafar fuqaroni Rossiya davlatining Astraxan viloyati,
Aktubinsk tumanida 450 gektarlik fermer
xoʻjaligim bor, shu yerda dehqonchilik qilsangizlar, har biringizga 200 AQSh
dollari, pishiqchilik davrida esa 300 AQSh dollaridan maosh beraman, deb oʻgʻli Oybek
yordamida "Gazel” avtomashinasida olib ketib, har birini Pavel ismli koreys
yigitga 11 000 Rossiya rubliga sotib yuborgan.
Gulnora
Yeshimbetova ularni dala ishiga olib chiqib, tez-tez xabar olib turishga vaʼda
bergan va roʻyxatga qoʻyaman, deb aldab, fuqarolik pasportlarini yigʻib olib qoʻygan
va Pavelning qoʻli ostida ishlashini aytgan. Aldanganini bilmay bir oy mehnat
qilgan 24 nafar yurtdoshimiz tergov davrida shaxsini aniqlash imkoni boʻlmagan Pavel
ismli yigitdan maoshlarini soʻraganida u har biriga bir oylik maoshi uchun
Gulnoraga 11 000 Rossiya Federatsiyasi rubli miqdorida haq va yoʻl haqlarini
oldindan toʻlaganini aytgan. Oʻzlari mehnat qilayotgan dalalar Gulnoraniki emas,
balki Volodyaniki ekanligini bilgach, aldanganini anglashgan.
Tekin ovqat tomoq yirtadi, deyishadi. Oʻz hamyurtlarini oʻzga yurtlarga olib
ketib, bir oylik haqini oldindan yigʻib olib choʻntagiga urgani yetmaganday,
ota-onalari soʻrashayapti, deb ikkinchi oyligiga ham ega chiqmoqchi boʻlgan. Gulnora
Yeshimbetova qingʻir ishlari uchun qonun oldida javob berishiga toʻgʻri keldi. Axir hech
bir jinoyat jazosiz qolmaydida.
P.DOShMURATOV,
jinoyat ishlari boʻyicha tuman sudi raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
