SPORT BILAN SOGʻLOM HAYoT SARI!

Tuman hokimligi, jismoniy tarbiya va sport boʻlimi, mudofaaga koʻmaklashuvchi “Vtanparvar” tashkiloti tuman Kengashi,  tuman Tibbiyot birlashmasi, tuman madaniyat boʻlimi, davlat muassasalari va jamoat xizmati xodimlari  kasaba uyushmasi tuman Kengashi, Amudaryo televideniyesi, “Mahalla” xayriya jamoat fondi tuman boʻlinmasi, tuman ichki ishlar boʻlimi, tuman xotin-qizlar qoʻmitasining 2019-yil 12-iyundagi Qoʻshma qaroriga asosan Oʻzbekiston davlat muassasalari va jamoat xizmati xodimlari kasaba uyushmasi tuman Kengashiga qarashli tashkilotlarda ishlovchi xodimlarni, kasaba uyushma aʼzolarini madaniy-maʼrifiy va sport tadbirlariga keng jalb qilish, sogʻlom turmush tarzini qaror toptirish, ularning boʻsh vaqtlarini mazmunli oʻtkazish, ayniqsa ayol-qizlarni jismoniy tarbiya va sport bilan shugʻullanishga ommaviy ravishda jalb qilish, bu borada targʻibot va tashviqot ishlarini amalga oshirish, shuningdek mazkur tashkilotlarda sportning voleybol, shaxmat, shashka, merganlik boʻyicha sport turlarini yanada rivojlantirish hamda musobaqaning tuman birinchiligi bosqichlarini yuqori saviyada oʻtkazish maqsadida 2019-yil 16-iyun kuni Nukus davlat pedagogika instituti qoshidagi 3-sonli Amudaryo akademik litseyida keng miqyosli sport musobaqalari boʻlib oʻtdi.

Qizgʻin va doʻstona bellashuvlar asosida oʻtgan musobaqalarda voleybol sporti boʻyicha erkaklar oʻrtasida 1-oʻrinni tuman hokimligi mehnat jamoasi, 2-oʻrinni Qipchoq hududi jamoasi, 3-oʻrinni “Vatanparvar” tashkiloti tuman Kengashi jamoasi egalladi.

Ayollar oʻrtasida boʻlib oʻtgan voleybol sporti musobaqalarida 1-oʻrinni Xitoy hududi jamoasi, 2-oʻrinni Mangʻit shahri hududi jamoasi, 3-oʻrinni esa tuman hokimligi jamoasi egalladilar.
Erkaklar oʻrtasida oʻtkazilgan shaxmat musobaqasida “Vatanparvar” tashkiloti tuman Kengashi xodimi Ismail Ibragimov 1-oʻrinni, tuman hokimligi xodimi Akbar Xoʻjamuradov 2-oʻrinni, davlat soliq inspektsiyasi xodimi Ikrom Xoʻjamuratov 3-oʻrinni egallashdi.

Ayollar oʻrtasida oʻtkazilgan shaxmat musobaqasida esa “Oila markazi” mutaxassisi Xusnida Abdurahmanova 1-oʻrinni, Yuqori qishloq MFY xotin-qizlar masalalari boʻyicha mutaxassisi Dildora Kenjayeva 2-oʻrinni, Xitoy OFY xotin-qizlar masalalari boʻyicha mutaxassisi Roza Polvonova 3-oʻrinni egalladilar.

Erkaklar oʻrtasidagi shashka sporti musobaqalarida Davlat soliq inspektsiyasi xodimi Ikrom Xoʻjamuratov 1-oʻrinni, tuman hokimligi xodimi Akbar Xoʻjamuratov 2-oʻrinni, “Mahalla” jamoat fondi tuman boʻlimi xodimi Hidoyat Sultonov 3-oʻrinni egalladilar.

Ayollar oʻrtasida boʻlib oʻtgan shashka sporti musobaqalarida “Oila markazi” rahbari Gulshod Yusupova 1-oʻrin, Qipchoq OFY xotin-qizlar masalalari boʻyicha mutaxassisi Zulfiya Matyoqubova 2-oʻrin, Gulzor MFY mutaxassisi Dildora Mirzaliyeva 3-oʻrin sohibalari boʻlishdi.

Oʻq otish – merganlik boʻyicha musobaqalarda “Vatanparvar” tashkiloti tuman Kengashi xodimi Baxtiyor Saidov 1-oʻrinni, shu tashkilot xodimi  Zafar Sabirov 2-oʻrinni, Davlat soliq inspektsiyasi xodimi Ravshanbek Arikov 3-oʻrinni egallashdi.

Darte ayollar musobaqasida esa tuman hokimligi mutaxassisi Gulzoda Eshimbetova 1-oʻrinni, “Oila markazi” rahbari Gulshod Yusupova 2-oʻrinni, tuman hokimligi mutaxassisi Gavxar Chimbaychiyeva 3-oʻrinni egalladilar.
Musobaqa qatnashchilarining barchasi tashkilotchilar tomonidan diplomlar, faxriy yorliqlar va qimmatbaho sovgʻalar bilan taqdirlandilar.

M.XALILLAYeVA