USTOZ SANʼATKORLARDAN YaNGI LOYIHA: “AYTIShUV”
Milliy sanʼatimizni rivojlantirish hamda yoshlarning mumtoz kuy-qoʻshiqlarga qiziqishlarini oshirish maqsadida tuman Madaniyat boʻlimi turli loyihalarni amalga oshirib kelmoqda. “Mumtoz navolar”, hisobot kontsert dasturlari shular jumlasidandir.
Yaqinda yana bir muhim yangilikka qoʻl urildi: elimiz tanigan, milliy va mumtoz ashulalar mohir ijrochilari ishtirokida “Aytishuv” kontsert dasturi namoyish qilina boshladi.
Loyihaning ilk dasturida kuy-qoʻshiqlari bilan koʻpsonli muxlislar eʼtiborini qozongan, taniqli xonandalar – 9-sonli Bolalar musiqa va sanʼat maktabi oʻqituvchisi Anvar Xudoyberganov, 21-sonli Bolalar musiqa va sanʼat maktabi direktori Nuriddin Yoqubovlar ishtirok etishib, oʻzlarining diltortar qoʻshiqlarini jonli ijroda muxlislar eʼtiboriga havola etdilar. Sidqidildan ijro etilgan qoʻshiqlarni tomoshabinlar olqishlab turdilar.
Anvar Xudoyberganov, Nuriddin Yoqubovlar boshlab bergan “Aytishuv”dek masʼuliyatli va ayni paytda zavqli va qiziqarli dastur hali davom etadi, koʻplab iqtidor egalari shu sahnada yurtdoshlarimizga manzur boʻladigan qoʻshiqlar ijro etishadi.
Oybek BEGIMOV.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
