ChET TILLARNI OʻQITISh JARAYoNIDA TAʼLIM TEXNOLOGIYaLARIDAN FOYDALANISh
Prezidentimiz I.A.Karimovning 2012-yil 12-dekabrdagi «Chet tillarni oʻrganish tizimini yanada takomillashtirish chora-tadbirlari toʻgʻrisida»gi qarori asosida 2013-2014 oʻquv yilidan boshlab barcha umumtaʼlim maktablarning 1-sinfida chet tillarni oʻqitish yoʻlga qoʻyildi.
Zamonaviy texnologiyalarni chet tillarni oʻqitish jarayonida tatbiq etishdan maqsad – oʻquvchilarni chet tillarni chuqur oʻrganishga, erkin, mustaqil, mantiqiy fikrlay olishga, oʻz fikrlarini asoslay olishga oʻrgatishdan iborat.
Chet tillarni oʻrgatish jarayonida samarali taʼlim metodlaridan foydalanish sifatli taʼlim berishning muhim omilidir. Oʻqitish jarayonining samarali va natijali boʻlishini taʼminlash oʻqituvchidan yuksak metodik mahorat va mehnat talab qiladi. Chunki darsning qiziqarli va samarali boʻlishi oʻqituvchining darsga qanday tayyorgarligiga bogʻliq. Oʻqituvchi oʻquvchilarning yoshiga va qiziqishiga mos usul tanlashi kerak.
Bundan tashqari oʻquvchi dars jarayonining asosiy ishtirokchisiga aylanishi zarur.
Chet tillarni oʻqitish jarayonida turli xil noanʼanaviy usullardan foydalaniladi. Bu usullarning barchasi nutq faoliyati turlari, yaʼni tinglab-tushunish, gapirish, oʻqish va yozish koʻnikmalarini rivojlantirishga qaratilgan.
Mazkur usullarning yana bir maqsadi taʼlim jarayoniga barcha oʻquvchilarni jalb qilishdir.
Taʼlim jarayonining samarali va natijali boʻlishi oʻqituvchining oʻquvchilarni darsga qiziqtira olishiga bogʻliq. Shundan kelib chiqib aytish mumkinki, biz birinchi navbatda oʻquvchilarning qiziqishlarini aniqlab olishimiz zarur.
Ayniqsa, endigina maktab ostonasiga qadam qoʻygan 1-sinf oʻquvchilarida hali oʻqish, yozish koʻnikmalari rivojlanmagan. Shuning uchun ham ularda tinglab-tushunish, gapirish koʻnikmalarini rivojlantirish muhimdir.
Shu sababli birinchi navbatda oʻquvchilarning chet tillarni tez oʻzlashtirishi uchun ularning tilga boʻlgan qiziqishini orttirish zarur.
Chet tillarni oʻrgatishda musiqadan foydalanish oʻquvchilarning til oʻrganishga qiziqishini yanada oshiradi. Chunki musiqani sevmaydigan inson boʻlmasa kerak. Shoʻx, goʻzal musiqalar oʻquvchilarning diqqatini jalb qiladi.
Tilni musiqa orqali oʻrgatish jarayonida musiqa matnidagi soʻzlar, jestlar (harakatlar) orqali oʻquvchilarga tushuntiriladi. Oʻquvchilar soʻzlar maʼnosini harakatlar orqali tez tushunib olish imkoniga ega boʻladilar.
Shu va shu kabi usullardan foydalanib, dars jarayonini tashkil qilsak, biz til oʻrgatishda oldimizga qoʻygan maqsadimizga erishishga muyassar boʻlamiz
Malika ShOMURODOVA,
13-sonli maktabning frantsuz tili fani oʻqituvchisi.
(Foto - http://daxshat.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
