Maktab hayotidan
Sohibqironga ehtirom
Tumanimizdagi 44-sonli umumiy oʻrta taʼlim maktabida buyuk sarkarda Amir Temur tavalludining 678 yilligiga bagʻishlanib, "Amir Temur – Buyuk sarkarda va davlat arbobi” mavzusida madaniy-maʼrifiy tadbir boʻlib oʻtdi.
Tadbirda maktabning tarix fani oʻqituvchisi Maxsud Xaliyev soʻzga chiqib, oʻz davrida buyuk saltanat barpo etib, davlatchilik borasida oʻzidan ham amaliy, ham nazariy meros qoldirgan, ilmu fan, madaniyat, bunyodkorlik, din va maʼnaviyat rivojiga keng yoʻl ochgan buyuk siymo – Sohibqiron Amir Temur haqida gapirdi.
Shundan soʻng oʻquvchilar tomonidan tashkil etilgan sahna koʻrinishlari namoyish qilindi, Amir Temur bobomizga bagʻishlangan sheʼrlar oʻqildi.
Sohibqiron Amir Temur tavalludining 678 yilligiga bagʻishlab oʻtkazilgan ushbu tadbir maktab oʻquvchilarida katta taassurot qoldirdi.
"Moʻʼjizakor kimyo”
Yaqinda shu maktabda kimyo va biologiya fanlari oyligiga bagʻishlanib, "Moʻʼjizakor kimyo” mavzusida tadbir oʻtkazildi. Tadbirni maktabning tajribali kimyo, biologiya fanlari oʻqituvchisi Roziya Nurimbetova boshqarib bordi.
Tadbirda maktabning 8-sinf oʻquvchilari 7 ta shart boʻyicha oʻzaro bellashdilar. Tadbir hakamlar hayʼati xulosasiga koʻra maktabning 8a-sinfi oʻquvchilaridan tashkil topgan "Metallar” guruhi gʻolib deb topildi.
Tadbir yakunida maktabning madaniy-maʼrifiy ishlar boʻyicha direktor oʻrinbosari Ilhom Bobojonov soʻzga chiqib ushbu bellashuv haqida oʻz taassurotlarini gapirdi, fikr mulohazalarini bildirdi. Qiziqarli oʻtgan ushbu tadbir oxirida gʻolib jamoa maktab maʼmuriyati tomonidan taqdirlandi.
Yulduz MADADOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
