XALQ DEPUTATLARI AMUDARYo TUMAN KENGAShINING BOʻShAB QOLGAN OʻRINLARIGA DEPUTATLAR SAYLOVI NATIJALARI EʼLON QILINDI
Joriy yilning 20-sentyabr kuni Xalq deputatlari Amudaryo tuman Kengashining boʻshab qolgan oʻrinlariga deputatlik saylovlari muqobillik asosida, demokratik tamoyillar talablariga koʻra oʻtkazildi. 24-Oq oltin va 28-Daryoboʻyi saylov okruglarida deputatlar saylovini oʻtkazishga munosib tayyorgarlik koʻrilib, saylov barcha karantin qoidalariga rioya qilgan holda boʻlib oʻtdi.
Xususan, saylov jarayonlarini Qoraqalpogʻiston Respublikasi Markaziy saylov komissiyasining qarori bilan tasdiqlangan “COVID-19 pandemiyasi davrida boʻshab qolgan oʻrinlarga deputatlar saylovini oʻtkazish tartibi toʻgʻrisida”gi nizomda belgilangan tartibda oʻtkazish yuzasidan barcha chora-tadbirlar belgilanib, saylov boʻlib oʻtadigan barcha okrug va uchastka saylov komissiyalari aʼzolari zarur himoya kiyimlari, tibbiy niqoblar, antiseptik vositalari va boshqa anjomlar bilan toʻliq taʼminlandi.
Mazkur saylovda 24-Oq oltin saylov okrugi hududida 4407 nafar, 28-Daryoboʻyi saylov okrugi hududida 4215 nafar saylovchilar roʻyxati shakllantirilgan boʻlib, saylov jarayonida roʻyxatga kiritilgan jami 8622 nafar saylovchidan 6251 nafari, yani 72,5 foiz saylovchi ovoz berishda ishtirok qildilar. Saylovchilar oʻz konstitutsiyaviy huquqlarini roʻyobga chiqarib, oʻzlari munosib deb bilgan nomzodlarga ovoz berdilar.
Aytish joizki, saylov qonunchiligiga binoan, saylov kuni oʻz yashash joyida boʻlish imkoniyatiga ega boʻlmagan saylovchilarga muddatidan oldin ovoz berish huquqi belgilangan boʻlib, mazkur saylovda jami 28 nafar, yaʼni 24-Oq oltin saylov okrugidan 18 nafar, 28-Daryoboʻyi saylov okrugidan 10 nafar saylovchilar muddatidan oldin ovoz berish jarayonida ishtirok qildilar.
Saylovlarning yakuniy natijalariga koʻra 24-Oq oltin saylov okrugidan OʻzXDP Amudaryo tuman Kengashi nomzodi, Respublika Maʼnaviyat va maʼrifat markazi Amudaryo tumani boʻlinmasi rahbari Yoʻldoshov Otabek Yoʻldosh oʻgʻli, 28-Daryoboʻyi saylov okrugidan Oʻzbekiston "Adolat" SDP Amudaryo tuman kengashidan nomzodi, “Qoraqalpoq suv taʼminoti” masʼuliyati cheklangan jamiyati Amudaryo tumani filiali boshligʻi Rajapov Akbarjan Saparbayevichlar deputatlikka saylandilar.
Amudaryo tumani hokimligining Axborot xizmati.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
