“Amudaryomaxsuspudrat” MChJ: Amudaryo tumanida sizot suvlari koʻtarilmaydi, buning uchun barcha choralar koʻrilgan
Soʻnggi yillarda mamlakatimizda dehqonchilik madaniyatini oshirish, yerdan foydalanishda nafaqat iqlim, balki tuproq, yerosti suvlarining, shuningdek yerusti sugʻorish tarmoqlarining holatini mukammal oʻrganish va aniqlangan kamchiliklarni bartaraf etish borasida tizimli ishlar amalga oshirilmoqda. Chunki qishloq xoʻjalik ekinlaridan yuqori hosil olishning birdan-bir omili – ekin maydonlarining nechogʻlik yaroqliligiga bogʻliq. Bu borada melioratsiya obʼektlarini sifatli taʼmirlash va tiklash ishlari muhim ahamiyatga ega.
Joriy yilda “Amudaryomaxsuspudrat” masʼuliyati cheklangan jamiyati tomonidan bosh pudrat shartnomasi asosida Amudaryo, Nukus va Boʻzatov tumanlari hududidagi bir necha kollektorlarida salkam 4 mlrd. soʻmlik taʼmirlash-tiklash ishlari amalga oshirilib, 151 km. uzunlikdagi kollektor tarmoqlarida sizot suvlar oqimi boʻylama hajmi yaxshilandi. Natijada mazkur kollektorlar joylashgan hududlardagi fermer xoʻjaliklari va aholi tomorqalarida yerning shoʻrlanish darajasi keskin kamayib, meʼyorga keltirildi. Paxta va boshqa dehqonchilik mahsulotlari yetishtirish hajmi oshdi. Bundan tashqari, jamiyat ishchi-xizmatchilari tomonidan 2020-yilning 1-oktyabr holatiga bosh pudrat shartnomasi asosida tumanimizdagi “K-1-7” kollektor tarmoqlarida rekonstruktsiya ishlari muvaffaqiyatli amalga oshirilib, oʻtgan 9 oy davomida suv xoʻjaligi va boshqa obʼektlarda jami 4,3 mlrd soʻmlik taʼmirlash-tiklash va rekonstruktsiya ishlari amalga oshirilib, salkam 158 km. uzunlikdagi melioratsiya shoxobchalarining zax suvlarini oʻtkazish quvvati oshirildi.
15-oktyabr kuni mazkur jamiyat tomonidan amalga oshirilayotgan ishlar arhisobi va kelgusidagi rejalar yuzasidan koʻrgazmali seminar boʻlib oʻtdi.
Koʻrgazmali seminarni tuman hokimining qishloq va suv xoʻjaligi masalalari boʻyicha oʻrinbosari Fayzulla Saʼdullayev ochdi va “Amudaryomaxsuspudrat” masʼuliyati cheklangan jamiyati tomonidan 2020-yilning oʻtgan 9 oyi davomida amalga oshirilgan keng koʻlamli taʼmirlash-tiklash va rekonstruktsiya ishlarini meʼyoriy talablar darajasida olib borilgani sababli tumanimizdagi mavjud ekin maydonlarining meliorativ holati yil sayin yaxshilanib, dehqonchilik madaniyati yuksalib borayotgani xususida toʻxtalib oʻtdi. Shundan soʻng seminar ishtirokchilari jamiyat tomonidan olib borilayotgan tuproq-qazuv va taʼmirlash-tiklash ishlarining sifatini koʻzdan kechirdilar.
Koʻrgazmali seminar ishtirokchilari mazkur jamiyat tomonidan 2021-yilda bajarilishi rejalashtirilayotgan “K-2” xoʻjaliklararo kollektorida amalga oshiriladigan taʼmirlash-tiklash ishlarining koʻlami, umumiy ish hajmi bilan ham tanishdilar. Tumandagi “K-2” xoʻjaliklararo kollektori tarmoqlarida koʻp yillar davomida rekonstruktsiya va taʼmirlash-tiklash ishlari olib borilmagan. Natijada hududdagi yer osti sizot suvlarining sathi 1,3-1,5 metrga koʻtarilib, yer maydonlarining shoʻrlanish darajasi ortgan. Bu esa aholi tomorqalari va fermer xoʻjaliklari ekin maydonlarining hosildorligi pasayib ketishiga olib kelgan. Kollektor tarmoqlari koʻmilib, qamish va yakan bilan qoplanishi oqibatida suv oʻtkazish qobiliyati, boʻylama hajmi pasayib, gidrotexnik inshootlar yaroqsiz holga kelib qolgan.
Koʻrgazmali seminarda mazkur kollektor tarmoqlarida taʼmirlash-tiklash ishlari amalga oshirilgandan keyin yer osti sizot suvlari sathi 2-2,2 metrga pasayishi, yerlarning meliorativ holati yaxshilanishi, aholi tomorqa yerlari hamda fermer xoʻjaliklari ekin maydonlarida hosildorlik oshishi taʼkidlandi. Mazkur kollektorda 2021-yilning noyabr oyigacha 411 ming 257 kubometr hajmdagi tuproq-qazuv, 1 ming 55 kubometr qirqish ishlari amalga oshirilishi, jami 76 kubometr hajmdagi beton va temirbeton, 41 kubometr tosh va 76 kubometr shagʻal sarflanishi koʻzda tutilgan.
Koʻrgazmali seminar ishtirokchilari “Amudaryomaxsuspudrat” masʼuliyati cheklangan jamiyat mutaxassislari va ishchilari tomonidan amalga oshirilayotgan va rejalashtirilgan ishlarga yuqori baho berdilar hamda tumanda va Respublikamizning boshqa tumanlaridagi kollektor-drenaj tarmoqlarini taʼmirlash-tiklash hamda rekonstruktsiya qilish ishlarida fidoyilik namunalarini koʻrsatgan mutaxassislar va ishchilarga, texnikalarni boshqaruvchi mexanizatorlar, ekskavator mashinistlariga homiylar tomonidan sovgʻalar topshirildi.
R.Yoʻldosheva
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
