QANDAY QILIB SOGʻLOM OVQATLANISh MUMKIN?

Sogʻlom ovqatlanish insonning jismoniy va aqliy faoliyati yuqori boʻlishida, kasallikka qarshi kurashishida muhim hisoblanadi. Odam Yoshi , ahvoli, turmush tarzidan kelib chiqib eʼtibor bilan ovqatlanishi kerak.
Bu borada quyidagi tavsiyadan foydalanishni maslahat beramiz.
07:00 nonushtada tvorog bilan birga asal va smetana (smetana kattalar uchun 50 gram, bolalar uchun 30 gram) isteʼmoli foydali.
Limonli choy ichish mumkin, chunki limon immunitetni koʻtaradi. Shuning uchun kuniga bir insonga bitta limon tavsiya qilinadi. Uning ikki boʻlagini nonushtada choy bilan, qolganini kun boʻyi suv bilan va boshqa koʻrinishda isteʼmol qilish mumkin. Nonni pishloq va qaynatilgan goʻsht bilan, shuningdek tuxum, bodring yeyish tavsiya etiladi.
11:00 – 2-nonushtada kichik shirin kulcha (oʻta shirin boʻlishi kerak emas) mevali sharbat, olma va boshqa mevalar isteʼmol qilish foydali. Olma askorbin kislotasiga boy boʻladi. Bir insonga bir kunda 2 dona olma yeyish tavsiya qilinadi.
Tushlikda oqsilga boy mahsulotlar - parranda goʻshti shoʻrvasi, qaynatilgan goʻsht mahsulotlari, salatlar, 200 gramm non yeyish tavsiya qilinadi.
16:00-17:00 oʻrtasida peshinda tarvuz, qovun  - chanqoqni qondiradi, uglevodga boyligi uchun kuch boʻladi.
Pechenelar – bolalar uchun.
18:00 kechki ovqatda asosan, suyuq ovqatlar: moshxoʻrda, bulon, mampar kabilar qabul qilgan yaxshi. Kechqurun yozda qovurilgan va ogʻir ovqatlar yaxshi hazm boʻlmaydi.
Salatlar, yeyish mumkin, achchiq garmdorini ham salatlarga solish mumkin.  U organizmni tozalaydi va ishtahani ochadi.
20:00da ehtiyoj boʻlsa, qatiq ichish foydali, har soatda 100 millilitrdan, kun davomida 2,5 - 3 litr suv ichish zarur. Suv organizmni tozalab turadi.

J.YaVKAShEV,
tuman Tibbiyot birlashmasi “Salomatlik markazi” shifokori.