Zafarlarga yoʻllovchi mayoq
Matbuot - bu xalqimiz hayotining koʻzgusi, uning orzu-istaklari, qalb sadolari ifodasi, xalqimizning har bir yutuq va zafarlarini madh etib, farovon hayoti uchun fidokorona mehnat qilgan insonlarni elimizga tarbiyalab bergan ibrat maktabi vazifasini bajarib kelayotgan yorqin mashʼaldir.
Nopoklarning qilmishlarini fosh qilib, xalqni, yosh avlodni bunday xatolardan asrash, davr bilan hamnafas yashashga oʻrgatish ham uning burchidir. Bu masʼuliyatli vazifani mohirlik va sadoqat, fidoyilik bilan bajarib kelayotgan gazetamiz oʻzining 80 yillik yubileyini nishonlamoqda. Mening taqdirim ham shu gazeta bilan bogʻlangan.Mehnat faoliyatimni 1973-yilning 1-sentyabridan, gazeta muharririning oʻrinbosari vazifasida ishlashdan boshladim. 1975-yilning 1-oktyabr sanasidan gazetaga muharrir qilib tayinlandim.
Ikki yil oliy partiya maktabining jurnalistika boʻlimida oʻqib, imtiyozli diplom olgach, yana oʻz yurtimga, oʻz gazetamga ishga keldim. 1990-yilda meni "Xalq soʻzi” gazetasiga ishga qabul qilishdi. Tumanimiz gazetasi obroʻsini sobiq ittifoq jurnalistlar soyuzi eʼtibor va hurmatiga sazovor etish, sobiq SSSR jurnalistlar ittifoqining ikki sʼezdi delegati, Jurnalistlar soyuzi boshqaruvi aʼzosi boʻlib saylanish baxtiga sazovor boʻldim. Jurnalistlar xalqimiz uchun, Vatanimiz uchun eng sadoqatli, eng fidoyi insonlar. Tumanimiz hayotining koʻzgusi - gazetamiz doimo zamon bilan hamnafas, olgʻa intiluvchan, jangovar gazeta boʻldi va shunday boʻlib qoladi. Bugun Vatanimiz obroʻsi, tumanimiz shon-shuhrati yoʻlida sadoqat va fidoyilik koʻrsatib kelayotgan gazetamiz tahririyati xodimlarini, uning muxlislarini qutlugʻ bayram bilan tabriklab, ularning ishlariga zafarlar tilayman.
Xalqimiz hayotining mashʼali mangu porlab turaversin!
Gulnora MATYoQUBOVA, Qoraqalpogʻistonda xizmat koʻrsatgan jurnalist.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
