Qadriyatlarimiz qadr topmoqda
Istiqlol tufayli jannat-makon mamlakatimizda islom dini ravnaqi yoʻlida keng imkoniyatlar ochildi. Eʼtiqod erkinligi qonuniy ravishda kafolatlab qoʻyildi. Barcha milliy va diniy qadriyatlar tiklandi, masjid va madrasalarning binolari, islom olamiga oid nodir tarixiy manbalar, osori atiqalar musulmonlarga qaytarib berildi. Ularning emin-erkin ibodat qilishlari, diniy taʼlim olishlari, diniy adabiyotlarni nashr etishlari va ommaviy axborot vositalaridan bahramand boʻlishlari uchun barcha sharoitlar yaratildi. Ramazon xayiti va Qurbon hayitlarining birinchi kunlari dam olish kunlari deb belgilanib, bayram sifatida eʼlon qilindi.
"2014-yil – Sogʻlom bolayili”da Ramazon oyi munosabati bilan boy milliy qadriyatlar va anʼanalarimizni keng targʻib qilish, fuqarolar oʻrtasida mehr-muruvvat, oʻzaro yordam, saxovat kabi tuygʻularning yanada namoyon boʻlishiga erishish masalalariga alohida eʼtibor qaratilmoqda. Bu borada amalga oshirilayotgan ishlar uchun Prezidentimiz Islom Karimovning 2014-yil 24-iyunda qabul qilingan "Muborak Ramazon oyini munosib tarzda oʻtkazish toʻgʻrisida”gi Qarori muhim dasturilamal boʻlib xizmat qilmoqda. Muborak oyni bayramona oʻtkazish, obodonlashtirish va xayriya tadbirlarida aholi, ayniqsa, yoshlarning faol ishtirokini taʼminlash, xalqimizga xos doʻstlik va mehr-oqibat tuygʻularini ulugʻlashga qaratilgan maʼnaviy-maʼrifiy ishlar olib borilayotganini alohida taʼkidlash zarur.
Ramazon oyi bilan bogʻliq tadbirlar doirasida yurtimizdagi ikki mingdan ziyod masjidlarda taroveh namozlari tinchlik-osoyishtalik, hamjihatlik, oʻzaro hurmat va bagʻrikenglikda ado etilmoqda, xatmi Qurʼonlar qilinmoqda. Shu bilan birga ushbu muborak oyni gʻanimat bilib, yurtdoshlarimiz ezgu ishlarni qilishga shoshilgan holda, savob ishlarni koʻpaytirishga, oʻzaro hurmat va hamjihatlik muhitini yanada mustahkamlashga, xalqimizga xos fazilatlarni, milliy-diniy qadriyatlarimizni ulugʻlashga intilmoqdalar. Bularning barchasi istiqlol sharofati hamda davlatimiz rahbarining milliy va diniy qadriyatlarimiz rivojiga qaratayotgan doimiy eʼtibori tufaylidir.
Alloh taolobarchalarimizni ulugʻ, aziz mustaqillik neʼmatiga shukurlar aytib, uning yanada mustahkam va bardavom boʻlishi yoʻlida savobli amallarni qilishimizga nasibi roʻz aylasin.
Yoqubboy Ahmedov,
"Qoʻziboy bobo” jomeʼ masjidi imom-xatibi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
