Savol bering, javob beramiz
Savol: qonuniy kuchga kirgan sud hujjatlarini ochilgan holatlar boʻyicha qayta koʻrish toʻgʻrisida tushuncha bersangiz?
D.JUMAShEV, Mangʻit shahri.
Javob: Xoʻjalik sudiga qonuniy kuchga kirgan sud hujjatini yangi ochilgan holatlar boʻyicha qayta koʻrish toʻgʻrisidagi ariza bilan faqatgina ishda ishtirok etgan shaxslar murojaat qilishlari mumkin.
Xoʻjalik sudi oʻzi qabul qilgan va qonuniy kuchga kirgan sud hujjatini yangi ochilgan holatlar boʻyicha qayta koʻrish uchun arizachiga maʼlum boʻlgan va maʼlum boʻlishi mumkin boʻlmagan, ish uchun muhim holatlar asos boʻla oladi. Yangi ochilgan holatlar sud hujjatini qabul qilish vaqtida arizachiga ham, sudga ham nomaʼlum boʻlgan yoki maʼlum boʻlishi mumkin boʻlmagan holatlar boʻlishi lozim.
Xoʻjalik protsessual kodeksi 205-moddasining ikkinchi va uchinchi qismlariga muvofiq qonuniy kuchga kirgan sud hujjatini yangi ochilgan holatlar boʻyicha qayta koʻrish toʻgʻrisidagi arizaga uning nusxalari va unga ilova qilingan hujjatlarning nusxalari ishda ishtirok etuvchi boshqa shaxslarga yuborilganini tasdiqlovchi hujjatlar ilova qilinadi.
Ariza nusxalari va unga ilova qilingan hujjatlarning nusxalari ishda ishtirok etuvchi boshqa shaxslarga yuborilganini tasdiqlovchi dalillar taqdim etilmasa, u sudya tomonidan arizachiga qaytariladi.
Taʼkidlash lozimki, qonuniy kuchga kirgan sud hujjatini yangi ochilgan holatlar boʻyicha qayta koʻrish toʻgʻrisidagi ariza koʻrishda qonuniy kuchga kirgan sud hujjatini yangi ochilgan holatlar boʻyicha qayta koʻrish haqidagi ariza XPKning 205-moddasi talablariga qatʼiy rioya etgan holda berilishi, ayniqsa ushbu moddada koʻrsatilgan bir oylik muddat protsessual muddat hisoblanishiga, arizachi yangi ochilgan holat, deb koʻrsatgan asoslar unga qachon maʼlum boʻlganligini asoslovchi dalillarni arizaga ilova qilgan boʻlishi, ariza ishda ishtirok etmagan shaxs tomonidan berilgan yoki sud buyrugʻini qayta koʻrish toʻgʻrisida berilgan boʻlsa, XPK 117-moddasining 1-bandini qoʻllab, uni qabul qilishni rad etish, agar ariza ish yuritishga qabul qilingan boʻlsa, XPK 86-moddasining 1-bandiga asosan ish yuritishni tugatish lozimligiga eʼtiborni qaratishlari maqsadga muvofiq.
Savolga Qoraqalpogʻiston Respublikasi xoʻjalik sudi raisi oʻrinbosari B.UBAYDULLAYeV javob berdi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
