XALQ DEPUTATLARI TUMAN KENGAShINING 39-SESSIYaSI TOʻGʻRISIDA AXBOROT

2014-yil 30-oktyabr kuni Xalq deputatlari tuman Kengashining 39-sessiyasi boʻlib oʻtdi. Sessiyani 24-Qangli saylov okrugidan deputat, tuman hokimi R.Yoʻldashev kirish soʻzi bilan ochdi va olib bordi.

Sessiyada xalq deputatlari tuman Kengashi deputatlari, hokim oʻrinbosarlari va hokimlik masʼul xodimlari, boʻlimlari, siyosiy partiyalar va jamoat tashkilotlari rahbarlari hamda ommaviy axborot vositalari vakillari ishtirok qildilar.

Sessiya kotibligiga 23-Navoiy saylov okrugidan deputat K.Kudenov saylandi.

Sessiya kun tartibiga "Oʻzbekiston Respublikasi Oliy Majlisi Qonunchilik palatasiga saylov oʻtkazuvchi uchastka saylov komissiyalari aʼzoligiga nomzodlar tavsiya qilish toʻgʻrisida”gi, "Fermer xoʻjaligi toʻgʻrisida”gi Oʻzbekiston Respublikasining Qonuni va tegishli hukumat qarorlari talablarining tumanda ijrosi toʻgʻrisida”gi, "Sogʻlom bola yili” tuman dasturining 2014-yil 9 oyidagi ijrosi yuzasidan tuman hokimining birinchi oʻrinbosari B.Ernazarovning hisoboti toʻgʻrisida”gi va "Oʻzbekiston Respublikasi Prezidentining 2014-yil 6-fevraldagi "Oʻzbekiston Respublikasida yoshlarga oid davlat siyosatini amalga oshirishga qaratilgan qoʻshimcha chora-tadbirlar toʻgʻrisida”gi PQ 2124-sonli qarori ijrosini taʼminlash yuzasidan  Amudaryo tumanida 2014 yil 9 oyida olib borilgan ishlar boʻyicha tuman hokimi oʻrinbosari, xotin-qizlar qoʻmitasi raisi M.Ahmedovaning hisoboti haqida”gi va boshqa masalalar kiritildi.

Sessiya kun tartibidagi birinchi masala muhokamasida taʼkidlandiki, Oʻzbekiston Respublikasi Oliy Majlisi Qonunchilik palatasiga, Qoraqalpogʻiston Respublikasi Joʻqorgʻi Kengesi va xalq deputatlari tuman Kengashiga saylovlar munosabati bilan tuman hududida Beruniy tumanining bir qismi qoʻshilgan holda Oʻzbekiston Respublikasi Oliy Majlisi Qonunchilik palatasi deputatligiga saylov oʻtkuzuvchi 4-Amudaryo saylov okrugi, Qoraqalpogʻiston Respublikasi Joʻqorgʻi Kengesiga saylov oʻtkazuvchi 6 ta saylov okrugi va okrug saylov komissiyalari tuzildi. Xalq deputatlari tuman Kengashiga saylov boʻyicha 30 ta saylov okrugi va okrug saylov komissiyalari tuzilib, faoliyatlarini boshladilar.

2014-yil 20-oktyabr kungi 4-Amudaryo okrug saylov komissiyasining qarori bilan Amudaryo tumanida 58 ta, Beruniy tumanida 16 ta saylov uchastkalari tuzildi.

"Oʻzbekiston Respublikasi Oliy Majlisiga saylov toʻgʻrisida”gi Oʻzbekiston Respublikasi Qonunining 16-moddasida uchastka saylov komissiyalari aʼzoligiga nomzodlar Xalq deputatlari tuman Kengashi sessiyalari majlislarida muhokama qilinib, okrug saylov komissiyasiga tavsiya qilinishi belgilangan. Deputatlar tomonidan tumandagi  58 ta  uchastka saylov komissiyalari aʼzoligiga nomzodlar tavsiya qilish masalasi koʻrib chiqilib, tegishli qaror qabul qilindi.

Kun tartibidagi ikkinchi masala, "Fermer xoʻjaligi toʻgʻrisida”gi Oʻzbekiston Respublikasining Qonuni va tegishli hukumat qarorlari talablarining tumandagi ijrosi toʻgʻrisida”gi masala yuzasidan tuman Kengashining Agrar, suv xoʻjaligi masalalari va ekologiya boʻyicha doimiy komissiyasi raisi oʻrinbosari Anvar Yuldashov, "Sogʻlom bola yili” tuman dasturining 2014-yil 9 oyida ijrosi yuzasidan tuman hokimining birinchi oʻrinbosari Bahodir Ernazarov hisobot berdi.

Kun tartibidagi toʻrtinchi masala, Oʻzbekiston Respublikasi Prezidentining 2014-yil 6-fevraldagi "Oʻzbekiston Respublikasida yoshlarga oid davlat siyosatini amalga oshirishga qaratilgan qoʻshimcha chora-tadbirlar toʻgʻrisida”gi PQ 2124-sonli qarori ijrosini taʼminlash yuzasidan Amudaryo tumanida 2014-yil 9 oyida olib borilgan ishlar boʻyicha tuman hokimi oʻrinbosari, xotin-qizlar qoʻmitasi raisi Maryam Ahmedova hisobot berdi.

Kun tartibidagi barcha masalalar boʻyicha tegishli qarorlar qabul qilindi va shuning bilan sessiya oʻz ishini yakunladi.

Oʻz muxbirimizdan