UChASTKA SAYLOV KOMISSIYaLARI AʼZOLARI UChUN SEMINAR
2015-yil 21-fevral kuni "Choykoʻl” madaniyat va aholi dam olish markazi binosida joylashgan Oʻzbekiston Respublikasi Prezidenti saylovini oʻtkazuvchi 121-saylov uchastkasida Oʻzbekiston Respublikasi Prezidenti saylovini yuqori saviyada oʻtkazish boʻyicha koʻrgazmali oʻquv seminari oʻtkazildi.
Seminarda tuman hokimi oʻrinbosarlari, hokimlik masʼul xodimlari, boʻlimlar va kommunal soha tashkilotlari rahbarlari, siyosiy partiyalar va jamoat tashkilotlari vakillari, uchastka saylov komissiyalari raislari hamda kotiblari, fuqarolar yigʻinlari raislari ishtirok etdilar.
Maʼlumki, tumanda Oʻzbekiston Respublikasi Prezidenti saylovini oʻtkazuvchi 58 ta saylov uchastkalari tuzilgan va uchastka saylov komissiyalari shaxsiy tarkiblari tasdiqlangan.
Saylovga tayyorgarlik koʻrish bilan bogʻliq tashkiliy-texnik, moliyaviy masalalarni hal qilish boʻyicha 21 kishidan iborat tarkibda tuman ishchi guruhi tarkibi, saylovlarga tayyorgarlik koʻrish bilan bogʻliq ishlarni muvofiqlashtirish boʻyicha 10 kishidan iborat tuman shtabi tarkibi, saylovlarga tayyorgarlik koʻrish va uni oʻtkazish bilan bogʻliq mavjud masalalarni hal qilish yuzasidan tumandagi ovul va mahalla fuqarolar yigʻinlariga biriktirilgan 25 kishidan iborat tezkor ishchi guruh tarkibi hamda Oʻzbekiston Respublikasi Prezidenti sayloviga tayyorgarlik koʻrish boʻyicha chora-tadbirlar rejasi tasdiqlangan va bu boʻyicha tegishli ishlar olib borilmoqda.
Seminar davomida ishtirokchilarga "Oʻzbekiston Respublikasi Prezidenti saylovini oʻtkazuvchi uchastka saylov komissiyalari ishini tashkil qilishga oid metodik tavsiyalar” boʻyicha koʻrgazmali slayd namoyish qilinib, shu asosda amalga oshiriladigan ishlar yuzasidan keng turda tushunchalar berildi hamda saylovni qonun talablariga mos ravishda oʻtkazish boʻyicha kelgusida amalga oshirilishi lozim boʻlgan vazifalar belgilab olindi.
Tuman hokimligining axborot xizmati.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
