ТААССУРОТЛАРГА БОЙ МАШFУЛОТ
Март ойи мамлакатимиздаги барча ўрта махсус, касб-ҳунар таълими муассасалари ва академик лицейларда физика фани ойлиги ҳисобланади. Шу муносабат билан физика фанини чуқур ўқитиш ва мазкур фанга ўқувчиларнинг қизиқишларини ошириш мақсадида турли тадбирлар ўтказилмоқда.
4 март куни 3-сонли Амударё академик лицейида ҳам ойлик доирасида лицей ва Ажиниёз номидаги Нукус Давлат педагогика институтининг "Физикани ўқитиш методикаси” кафедраси ўртасида тузилган ўзаро ҳамкорлик шартномаси иш режасига мувофиқ, шу кафедра доценти Баҳром Явидов муассасанинг аниқ фанлар йўналиши ўқувчилари ва ўқитувчилари билан учрашди ҳамда Италиянинг Триест шаҳридаги назарий физиканинг халқаро марказида олиб борилаётган тадқиқот ишлари мавзусида семинар ўтказди.
Шунингдек, мазкур йўналишнинг 3-босқич иқтидорли ўқувчилари учун "Физикадан масалалар ечиш усуллари” мавзусида дарс ўтди.
Айтиш жоизки, мазкур масканда физика фанига қизиқувчи, фан асосларини чуқур ўрганишга интилувчи ўқувчилар кўпчиликни ташкил этади. Улар дарс машғулотларини пухта ўзлаштирибгина қолмай, устозлари кўмагида фанга доир қўшимча қўлланмаларни ҳам ўзлаштириб, билим доирасини кенгайтириб боришга интиладилар.
НДПИ "Физикани ўқитиш методикаси” кафедраси доценти, манғитлик илм фидойиси Баҳром Явидовнинг ўтказган дарси ёшларнинг бу фанга қизиқишларини янада оширди. Физикани дунё миқёсида энг оммалашган халқаро тилларнинг бири – инглиз тилида мукаммал ўрганиш имкониятлари кўплиги боис, бу фанни ҳам пухта ўрганишга чақирди. Бу ўқувчиларга энг нуфузли хориж олийгоҳларига ўқишга кириш имконини ҳам бериши таъкидланди.
Дарс машғулоти сўнгида Б.Явидов ўқувчиларни қизиқтирган саволларга батафсил жавоб қайтарди ва дарс мобайнидаги ўқувчиларнинг фаоллигига юқори баҳо берди.
Олийгоҳ доценти ўтказган дарс мазкур муассасани битказиш арафасидаги ва олийгоҳларга кириш давлат тест синовларига пухта ҳозирлик кўраётган ўқувчиларни ўз орзулари сари дадил интилишга чорлади.
Сурайё НОРБОЕВА, лицейнинг физика фани ўқитувчиси.
(Фото - http://11-maktab.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
