ЭЪЛОНЛАР
Ҳурматли юртдошлар! Ўзбекистон Республикаси Президентининг 2016 йил 21 октябрдаги "2017-2021 йилларда қишлоқ жойларда янгиланган намунавий лойиҳалар бўйича арзон уй-жойлар қуриш дастури тўғрисида”ги қарори асосида туманимизда 2017 йилда 122 та янги уй-жойлар қурилиши режалаштирилмоқда.
Янги уй-жой эгаларига қатор имтиёзлар берилади. Жумадан, 2009 йилда қабул қилинган Қишлоқ жойларда намунавий лойиҳалар бўйича якка тартибда уй-жойлар қуриш Дастури доирасида уй қурувчининг дастлабки бадали 25 фоизни ташкил этган бўлса, янги Дастур бўйича ушбу бадал биринчи ва иккинчи турдаги уйларни қурувчилар учун атиги 15 фоизни ташкил этади.
Бундан ташқари, ипотека кредити уч йиллик имтиёзли давр ва биринчи 5 йил мобайнида йиллик 7 фоиз миқдоридаги фоиз ставкаси билан 15 йил муддатга берилади. Кейинги йилларда кредитнинг фоиз ставкаси Марказий банкнинг ҳозирги вақтда йиллик 9 фоизни ташкил этадиган қайта молиялаштириш ставкасидан ортиқ бўлмайди.
Бундан ташқари, кўрсатиб ўтилган кўп квартирали уйларни қуришда квартиралар эгаларининг эҳтиёжларини қондириш мақсадида ҳовлида жойлаштириладиган иморатлар – болалар майдончалари, дам олиш учун айвонлар, душ ва бошқа қўшимча бинолар барпо этиш назарда тутилади.
Азиз юртдошлар! Сиз ҳам мана шундай арзон, обод, ихчам ва қулай, замонавий кўринишдаги уй-жойларга эга бўлишни хоҳласангиз, туман ҳокимлигининг 515-34-49 телефон рақамига мурожаат қилинг!
Азиз юртдошлар! Ўзбекистон Республикаси Президентининг 2014 йил 6 февралидаги "Ўзбекистон Республикасида ёшларга оид давлат сиёсатини амалга оширишга қаратилган қўшимча чора-тадбирлар тўғрисида”ги Қарори ижросини таъминлаш мақсадида туманимизнинг "Гулзор” маҳалласидаги "Камолот” шаҳарчаси”да 2017 йилда яна битта "Камолот уйи”ни қуриш режалаштирилмоқда.
4-қават, 48 та хонадонга мўлжалланган ушбу "Камолот уйи”даги хонадонлар Ўзбекистон Республикаси Вазирлар Маҳкамасининг 2014 йил 8 сентябрдаги "Мамлакатнинг ижтимоий ҳаётида фаол қатнашаётган ёш оилаларни уй-жой билан таъминлашни янада қўллаб-қувватлаш чора-тадбирлари тўғрисида”ги қарорига мувофиқ фан, санъат, адабиёт, спорт соҳасида ва бошқа соҳаларда юксак натижаларга эришган ёш оилаларга берилади.
"Камолот уйи”дан хонадон олишни истасангиз, "Камолот” ёшлар ижтимоий ҳаракати туман Кенгашига мурожаат қилинг. Қўшимча маълумотларни 515-36-40 телефон рақамига қўнғироқ қилиб, билиб олишингиз мумкин.
"Камолот” ЁИҲ туман Кенгаши.
(Фото - http://soliqmaslahati.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
