ҚОЗОҚ ШОИРИ АБАЙ ҚЎНОНБОЕВНИНГ ИЖОДИЙ МЕРОСИ ЎРГАНИЛЯПТИ
6 апрель куни 15-сонли умумтаълим мактабида қозоқ классик адабиётининг асосчиларидан бири, буюк шоир ва мутафаккир Абай Қўнонбоевнинг ижодий меросини кенг ўрганиш ва тарғиб қилиш мақсадида тадбир ўтказилди.
Мактабнинг 6- ва 7-синф ўқувчилари ва бир гуруҳ ўқитувчилари иштирокида ўтказилган ушбу тадбирни мактаб директори М.Болтабоев кириш сўз билан очиб, ушбу тадбирни ўтказишдан кўзланган мақсад ҳақида гапирди.
Шундан кейин мактаб директорининг маънавий-маърифий ишлар бўйича ўринбосари Дилноза Жуманова сўзга чиқиб, А.Қўнонбоев ижодий меросини кенг ўрганиш ва тарғиб қилиш бўйича Ўзбекистон Республикаси Президенти қарори қабул қилиниб, мамлакатимизнинг барча ҳудудларида унинг умуминсоний қадриятлар ва меҳр-оқибат туйғулари юксак пардаларда тараннум этилган етук бадиий асарлари, ибратли ҳаёти ва ижтимоий фаолияти билан халқимиз маданияти ривожига қўшган улкан ҳиссасини инобатга олиб ҳамда ўзаро маданий-гуманитар алоқларини янада ривожлантириш, эл-юртимизни қозоқ адабиётининг улуғ намоёндалари ижоди билан таништириш мақсадида кўплаб тадбирлар ўтказилаётганлиги ҳақида гапирди.
Тадбир давомида ўқувчилар томонидан буюк шоир ҳаёти ва ижодига доир кўплаб маълумотлар келтирилди.
Тадбирда она тили ва адабиёти фани ўқитувчиси А.Раҳимова сўзга чиқиб, халқимизнинг қардош Қозоғистон халқига, унинг бетакрор адабиёти ва маданиятига, ёруғ келажагига бўлган ҳурмати ва ишончининг ёрқин ифодаси сифатида юртимизда буюк қозоқ шоири ва мутафаккири Абай Қўнонбоевнинг ижодий меросини кенг ўрганиш ва тарғиб қилишга катта эътибор берилаётгани ҳақида гапирди.
Буюк қозоқ шоири ва мутафаккири А.Қўнонбоев ижодий меросини кенг ўрганиш ва тарғиб қилиш мақсадида ўтказилган ушбу тадбирда ўқувчи-ёшлар шоир ижодидан намуналар ўқидилар.
Лайло ОЛИМОВА, мактабда ташкил этилган
“Мухбирлар пости” асъзоси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
