ҲАРБИЙ ҚИСМДА МУСТАҚИЛЛИГИМИЗНИНГ 27 ЙИЛЛИГИГА БАҒИШЛАНГАН ТАДБИР БЎЛИБ ЎТДИ
Мамлакатимиз мустақиллигининг 27 йиллиги олдидан жойларда байрам муносабати билан барчага байрам кайфиятини улашиш мақсадида турли хил тадбирлар ўтказилмоқда.
Туманимиз чегара ҳудудида жойлашган 9202-“К” ва 9202-“D” ҳарбий қисмларида ҳам мустақиллигимизнинг 27 йиллигига бағишланган “Азиз ва ягонамсан, жонажон Ўзбекистоним” шиори остида катта тадбир ўтказилди. Ҳарбий қисм ҳарбийлари ва уларнинг оила аъзолари учун ташкиллаштирилган бу тадбирда Республика Маънавият ва маърифат маркази туман бўлинмаси, туман Хотин-қизлар қўмитаси, “Оила маркази” , Бандликка кўмаклашиш маркази, Адлия бўлими ва Маданият бўлими масъул ходимларидан иборат тарғибот гуруҳи иштирок этди.
Тадбирда тарғибот гуруҳи аъзоларидан туман Хотин-қизлар қўмитаси мутахассиси Г.Чимбойчиева, туман Адлия бўлими бошлиғи М.Матюсупов, туман “Оила” маркази раҳбари Г.Юсупова, Бандликка кўмаклашиш маркази ҳуқуқшуноси Б.Матмуродова ҳамда туман Маданият бўлими ходими О.Бегимовлар Ўзбекистонда мустақиллик йилларида барча соҳаларда олиб борилган ислоҳотлар, ижтимоий-иқтисодий юксалишлар, катта ўзгаришлар ва янгиланишлар ҳақида сўзлаб ўтдилар. Шунингдек, қудратли Ватаннинг жасур ҳимоячилари бўлган ҳарбийлар ва уларнинг оила аъзоларини бу байрам билан қутладилар. Тарғибот гуруҳи томонидан ташкил этилган китоблар ярмаркаси тадбирга янада файз киритди.
Энг улуғ, энг азиз байрам муносабати билан ўтказилган тадбир барчага кўтаринки руҳ бағишлади.
О.ХУДОЙБЕРГАНОВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
