МИНГ ЭҲТИРОМ ЎҒЛИНГИЗДАН, ҚИЗИНГИЗДАН УСТОЗЛАР!
Устоз! Бу сўзнинг туб замирида қанча мазмун, маъно бор-а? Инсон дунёга келар экан, унинг етук инсон бўлиб етишишида ота-онанинг ўрни қанчалик муҳим бўлса, устозларнинг роли ҳам шунчаликдир. Аммо уларнинг ўгит ва насиҳатларига ўз вақтида қулоқ солиш ва амал қилишимиз керак эканлигини англаганимизда, афсуски, бироз кеч бўлар экан.
Мен 38-сонли мактабни бу йил аъло баҳолар билан тугатдим. Бу мақолани ёзишимга сабаб, меҳри дарё устозларимга бўлган соғинчим ҳамда чексиз миннатдорчилигим ҳиссидир. Ёдимда мактабга илк бор қадам қўйганимда биринчи ўқитувчимиз қўлимиздан етаклаб, мактаб билан таништириб чиққан эди. Менга илк бор сабоқ берган Гулнора опа Раҳимова бўлади. Бу ўқитувчимизнинг дарс ўтишлари ҳамон кўз ўнгимда. 5-синфдаги ўқитувчиларимиздан бири Санамжон опа Рўзимова доим ўқувчиларининг оилавий шароити билан қизиқиб, қўлидан келганча ёрдам берар эдилар. Бир сўз билан айтганда, ҳар бир ўқувчининг кўнглига йўл топа оладиган ва доим қўллаб-қувватлайдиган устозлардан эди. Яна бир қадрли ўқитувчимиз Гулсара опа Юсупова доимо жонкуярлиги ва фидойилиги билан бошқа ўқитувчилардан ажралиб туради. Бизга математика, информатика фанларидан дарс берган Барно опа Эшмуродова ҳам биздан ўз маслаҳатларини аямас эдилар. Бу ўқитувчиларимиз доим хурмат, эътиборда. Ҳар бир инсон дунёга келар экан, албатта, биринчи меҳрибон инсонлари – ота-оналари, кейин эса устозлари бўларкан. Касблар ичида энг улуғ ва машаққатлиси ўқитувчилик, деб бежиз айтишмаган. Ҳар бир ўқувчининг яхши кўрган фани ва меҳр қўйган ўқитувчиси бўлади. Менинг яхши кўрган ўқитувчим – Барно опа. Доим ўзининг жонкуярлиги, янгиликларга интилувчанлиги ва чексиз меҳри билан эътиборимни қозонган. Мактабимиз ўқитувчилари бир-биридан билимдон, олдинга интилувчанлиги билан кўплаб ютуқларга эришган. Мен шундай ажойиб ўқитувчиларнинг шогирди бўлганлигимдан фахрланаман. Келгусида олий ўқув юртини тамомлаб, Ватанимизга фойдаси тегадиган, юрт корига ярайдиган фарзанд бўлиб етишишга ҳаракат қиламан.
Хосият ЗАРИПОВА, 38-сонли мактаб битирувчиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
