ТУМАНДА КАPАНТИН ҚОИДАЛАPИГА АМАЛ ҚИЛИНИШИ БЎЙИЧА НАЗОPАТ ТАДБИPЛАPИ ЎТКАЗИЛДИ

Бугунги кунда мамлакатимизда коронавирус инфекцияси тобора кўпроқ ҳудудларни қамраб олаётгани, касалликнинг янги ўчоқлари пайдо бўлаётгани ҳар биримизни хотиржамликка берилмасдан, карантин қоидаларига қатъий риоя қилишимизни, ҳар биримиз ўз-ўзимизни коронавирусга чалинишдан ҳимоя қилишимиз лозимлигини тақозо этмоқда.
Шуниси аниқки, ҳеч ким “мен бу касалликка чалинмайман”, дея олмайди. Фақат касалликка қарши биргаликда курашиш, карантин қоидаларига амал қилиш ва зарурат туғилмаганда кўчага, одамлар тўпланадиган жойларга бормаслик лозим. Бироқ бунга ҳамма ҳам бирдай амал қилаяптими?
Шу йилнинг 15-16 июнь кунлари туманимизда карантин қоидаларига амал қилиниши, кўча ва жамоат тартибини сақлаш, йўл ҳаракати ва фуқаролар хавфсизлигини таъминлаш, жиноят ва  ҳуқуқбузарликларнинг олдини олиш мақсадида туман Ички ишлар бўлимининг патруль ва тунги рейд тадбирлари ўтказилди. Натижада 150 ҳолатда турли ҳуқуқбузарликлар аниқланди. Йўл ҳаракати қоидаларини бузиш бўйича 30 та, шунинг 2 таси маст ҳолатда транспорт бошқариш, 8 таси йўловчи ташиш қоидасини бузиш, 8 таси йўл чизиқларига риоя қилмаслик, 4 таси ёритиш чироқларидан нотўғри фойдаланиш, 4 таси хавфсизлик камаридан фойдаланмаслик, 4 таси пиёдаларга йўл бермаслик ҳолатлари аниқланди ва бу бўйича маъмурий баённомалар расмийлаштирилди.
Шунингдек, тадбир давомида карантин қоидаларига амал қилмай кўчаларда ҳаракатланаётган, жамоат жойларида юрган 100 нафар фуқароларга тушунтириш ишлари олиб борилди.

Шу йилнинг 17 июнида Қорақалпоғистон Pеспубликаси Ички ишлар вазирлиги ходими, майор Pашид Шонкаков, Миллий гвардия ходими, майор Марат Абдиев, Қорақалпоғистон Pеспубликаси санитария-эпидемиология осойишталик ходими Pохат Хожалепесов, туман Ички ишлар бўлими Ҳуқуқбузарликлар профилактикаси бўлинмаси профилактика инспектори, катта лейтенант Фарҳод Абдираҳимов, Қорақалпоғистон Pеспубликаси Санитария эпидемиология назорати бошқармаси туман филиали инспектори Норгул Атабаевалар туманимиз ҳудудида карантин қоидаларига амал қилиниши юзасидан рейд тадбирини ўтказдилар.
Манғит шаҳрининг Буюк Турон кўчасида жойлашган “Манғит” автошоҳбекатидаги ҳолат ўрганилганида шоҳбекат чиптахонаси кириш эшигида дезинфекцион тўшама мавжуд эмаслиги, эшиклар тутқичлари хлорли  дезинфекцияланган матолар билан ўралиб, ишлов берилмаганлиги, антисептик воситалар билан таъминламаганлиги, чипта  олувчилар орасида оралиқ масофа сақланмаётганлиги, карантин қоидаларига доир эслатмалар  мавжуд эмаслиги аниқланди.
Манғит Деҳқон бозори ва атрофидаги савдо дўконлари ҳам карантин қоидаларига зид равишда фаолият юритаётган, тиббий ниқоб ва қўлқопсиз савдо қилаётган ходимлар ҳам учради. Бундан ташқари маҳсулотларни дўкон ташқарисида ҳам сотиш ҳолатларига йўл  қўйилган, харидорлар орасида масофа сақланмаган. Худди шундай камчиликларга йўл қўйган Ширин Ҳайтимбетова, Нуриддин Ҳайдаров, Гулимбат Pажабовлар маъмурий жавобгарликка тортилдилар.
Ушбу ҳудуддаги “Pавшанбек-Юлдузхон” масъулияти чекланган жамиятига қарашли савдо мажмуасининг кириш эшигида дезинфекцион тўшама мавжуд эмас, ташриф буюрувчиларнинг тана ҳароратини ўлчаш учун тепловизор, антисептик воситалар билан таъминланмаган. Шунингдек, мажмуа орқа ва ён таарфларида, белгиланмаган жойларда кийим-кечаклар савдо ўринлари ташкил этилган.
Автошоҳбекат ёнидаги “Темур” кафеси кириш эшигида дезинфекцион тўшама мавжуд эмас. Эшиклар тутқичларига дезинфекцияланган мато билан ишлов берилмаган, антисептик воситалар йўқ. Ушбу кафега масъул бўлган ходим ҳам кафеда тиббий ниқобсиз юрганлиги аниқланди. Бу бўйича жойида маъмурий баённома тузилди.
Манғит шаҳрининг Қиличбой кўчасида жойлашган Гулбаҳор Қурбонбоевага тегишли бинода ижарада туриб, фаолият юритаётган тикув цехида ҳам худди шундай камчиликлар мавжуд, ҳатто ушбу фаолият тури билан шуғулланиш учун цех эгаси бўлган шахсда гувоҳнома ҳам йўқ эканлиги маълум бўлди. Бу бўйича ҳам маъмурий баённома тузилди.

Тезкор тадбир давомида Манғит Деҳқон бозори атрофида карантин қоидаларига амал қилмай ҳаракатланаётган фуқаролар аниқланди ва улар ҳам маъмурий жавобгарликка тортилди.
Бунингдек, назорат тадбирларини ўтказишдан мақсад коронавирус инфекциясининг тарқалиб кетишининг олдини олиш юзасидан қабул қилинаётган чора-тадбирларга аҳолини амал қилишга жалб этиш, ҳар бир фуқаронинг  коронавирус инфекциясининг жиловланишида ўрни нечоғлик муҳим эканлигини тарғиб этиш, белгиланган қонун-қоидаларни писанд қилмаётганларга чора  кўришдир. Боиси касалликка қарши кураш натижаси ҳаммамизга, ҳар биримизга боғлиқ.