ЁШ ПОЛВОНЛАР ЎРТАСИДА “ПРОКУРОР КУБОГИ” МУСОБАҚАЛАРИ ЎТКАЗИЛДИ
Ўзбекистон Республикаси Президентининг 2020 йил 30 октябрдаги “Соғлом турмуш тарзини кенг татбиқ этиш ва оммавий спортни янада ривожлантириш чора-тадбирлари тўғрисида”ги Фармони ҳамда 2020 йил 4 ноябрдаги “Кураш миллий спорт турини ривожлантириш ва унинг халқаро нуфузини янада ошириш чора-тадбирлари тўғрисида”ги Қарори ижросини таъминлаш, ўсиб келаётган ёш авлодни жисмонан ва етук инсонлар қилиб тарбиялаш, уларни кенг миқёсда спорт соҳасига қамраб олиш, иқтидорларини янада ривожлантириш ҳамда ютуқларини рағбатлантириш мақсадида туманимизда спортнинг кураш тури бўйича “Прокурор кубоги” мусобақалари ўтказилди.
Мусобақани ўтказиш бўйича ишлаб чиқилган Низом талабларига мувофиқ 2008-2009 йилларда туғилган ўсмирлар рўйхати шакллантирилиб, ёш тоифалари бўйича гуруҳлар тузилди. Мусобақа Низоми талабларига кўра, ҳар бир иштирокчининг шахсини тасдиқловчи ҳужжати ва шифокор кўригидан ўтганлиги ҳақидаги маълумотномалари туман Болалар ва ўсмирлаш спорт мактаби томонидан тасдиқланган тажрибали ҳакамлардан иборат ҳайъатга тақдим этилди.
2020 йил 24 декабрь куни туман Болалар-ўсмирлар спорт мактабида ўтказилган мусобақалар қизғин ва дўстона вазиятда бўлди. Ўз вазн тоифаларида кучли ва тенгсизлигини намоён этган ёш полвонлардан Хушнуд Султонов, Комрон Алланиёзов, Жасур Болтабоев, Омон Назирбоев, Беҳруз Жуманиёзов, Акбар Жабборберганов, Акбар Чоршамовлар фахрли 1-ўринни эгалладилар.
Жавоҳир Бозорбоев, Беҳруз Юсупов, Алишер Давлетбоев, Элбек Раҳимбоев, Ҳумоюн Эшбоев, Жўрабек Муродовлар ўз вазн тоифалари бўйича 2-ўринга муносиб кўрилдилар.
Бири-биридан қолишмайдиган кучли, ўз кураш услубларига эга бўлган ёш полвонлар беллашувида 3-ўрин учун ҳам қизғин баҳслар давом этди. Унга кўра, Адҳам Солиев, Самандар Озодов, Зафар Болтабоев, Шаҳриёр Ўрозоқов, Зокир Саъдуллаев, Самандар Омонбоев, Бахтиёр Раҳимберганов, Озодбек Шукуруллаев, Одилбек Римбоев, Улуғбек Ражаббоев, Самир Жумабоев, Бунёд Муҳаммадназаров, Самад Сафарбоев, Шаҳриёр Қурбонбоевлар эса ўз вазн тоифаларига кўра, 3-ўринни эгалладилар.
Болалар ва ўсмирлар спорт мактаби ёш полвонлари иштирокида ўтказилган “Прокурор кубоги” мусобақаларида туман прокурори Жавлонбек Муфтуллаев, Жиноят ишлари бўйича туман суди раиси Султонмурод Давлетмуродов, туман Ички ишлар бўлими бошлиғи Улуғбек Худойбергановлар иштирок этиб, туманимизда болалар спортини ривожлантириш борасида амалга оширилаётган ишлар, бунда туман Болалар ва ўсмирлар спорт мактаби ўқувчилари эришаётган ютуқлар ҳақида тўхталиб ўтди. Шу билан бирга Болалар ва ўсмирлар спорт мактаби спортчи-ёшларини келажакда нуфузли халқаро мусобақаларда иштирок этиб, Ватанимиз байроғини баланд кўтаришларига тилакдошлик билдирдилар.
“Прокурор кубоги” мусобақалари якунида туман прокурори Жавлонбек Муфтуллаев ва Жиноий ишлар бўйича туман суди раиси Султонмурод Давлетмуродов туман Ички ишлар бўлими бошлиғи Улуғбек Худойбергановлар спортчиларни табрикладилар ва ғолиб полвонларга ўз совғаларини топширдилар. Шунингдек, ёш полвонлар туман Болалар ва ўсмирлар спорт мактаби маъмурияти томонидан “Энг кучли курашчи, “Энг яхши услубга эга полвон”, “Энг эпчил полвон” каби номинациялар бўйича фахрий ёрлиқлар билан тақдирландилар.
Робия ЙЎЛДОШЕВА.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
