YoSh POLVONLAR OʻRTASIDA “PROKUROR KUBOGI” MUSOBAQALARI OʻTKAZILDI
Oʻzbekiston Respublikasi Prezidentining 2020-yil 30-oktyabrdagi “Sogʻlom turmush tarzini keng tatbiq etish va ommaviy sportni yanada rivojlantirish chora-tadbirlari toʻgʻrisida”gi Farmoni hamda 2020-yil 4-noyabrdagi “Kurash milliy sport turini rivojlantirish va uning xalqaro nufuzini yanada oshirish chora-tadbirlari toʻgʻrisida”gi Qarori ijrosini taʼminlash, oʻsib kelayotgan yosh avlodni jismonan va yetuk insonlar qilib tarbiyalash, ularni keng miqyosda sport sohasiga qamrab olish, iqtidorlarini yanada rivojlantirish hamda yutuqlarini ragʻbatlantirish maqsadida tumanimizda sportning kurash turi boʻyicha “Prokuror kubogi” musobaqalari oʻtkazildi.
Musobaqani oʻtkazish boʻyicha ishlab chiqilgan Nizom talablariga muvofiq 2008-2009-yillarda tugʻilgan oʻsmirlar roʻyxati shakllantirilib, yosh toifalari boʻyicha guruhlar tuzildi. Musobaqa Nizomi talablariga koʻra, har bir ishtirokchining shaxsini tasdiqlovchi hujjati va shifokor koʻrigidan oʻtganligi haqidagi maʼlumotnomalari tuman Bolalar va oʻsmirlash sport maktabi tomonidan tasdiqlangan tajribali hakamlardan iborat hayʼatga taqdim etildi.
2020-yil 24-dekabr kuni tuman Bolalar-oʻsmirlar sport maktabida oʻtkazilgan musobaqalar qizgʻin va doʻstona vaziyatda boʻldi. Oʻz vazn toifalarida kuchli va tengsizligini namoyon etgan yosh polvonlardan Xushnud Sultonov, Komron Allaniyozov, Jasur Boltaboyev, Omon Nazirboyev, Behruz Jumaniyozov, Akbar Jabborberganov, Akbar Chorshamovlar faxrli 1-oʻrinni egalladilar.
Javohir Bozorboyev, Behruz Yusupov, Alisher Davletboyev, Elbek Rahimboyev, Humoyun Eshboyev, Joʻrabek Murodovlar oʻz vazn toifalari boʻyicha 2-oʻringa munosib koʻrildilar.
Biri-biridan qolishmaydigan kuchli, oʻz kurash uslublariga ega boʻlgan yosh polvonlar bellashuvida 3-oʻrin uchun ham qizgʻin bahslar davom etdi. Unga koʻra, Adham Soliyev, Samandar Ozodov, Zafar Boltaboyev, Shahriyor Oʻrozoqov, Zokir Saʼdullayev, Samandar Omonboyev, Baxtiyor Rahimberganov, Ozodbek Shukurullayev, Odilbek Rimboyev, Ulugʻbek Rajabboyev, Samir Jumaboyev, Bunyod Muhammadnazarov, Samad Safarboyev, Shahriyor Qurbonboyevlar esa oʻz vazn toifalariga koʻra, 3-oʻrinni egalladilar.
Bolalar va oʻsmirlar sport maktabi yosh polvonlari ishtirokida oʻtkazilgan “Prokuror kubogi” musobaqalarida tuman prokurori Javlonbek Muftullayev, Jinoyat ishlari boʻyicha tuman sudi raisi Sultonmurod Davletmurodov, tuman Ichki ishlar boʻlimi boshligʻi Ulugʻbek Xudoyberganovlar ishtirok etib, tumanimizda bolalar sportini rivojlantirish borasida amalga oshirilayotgan ishlar, bunda tuman Bolalar va oʻsmirlar sport maktabi oʻquvchilari erishayotgan yutuqlar haqida toʻxtalib oʻtdi. Shu bilan birga Bolalar va oʻsmirlar sport maktabi sportchi-yoshlarini kelajakda nufuzli xalqaro musobaqalarda ishtirok etib, Vatanimiz bayrogʻini baland koʻtarishlariga tilakdoshlik bildirdilar.
“Prokuror kubogi” musobaqalari yakunida tuman prokurori Javlonbek Muftullayev va Jinoiy ishlar boʻyicha tuman sudi raisi Sultonmurod Davletmurodov tuman Ichki ishlar boʻlimi boshligʻi Ulugʻbek Xudoyberganovlar sportchilarni tabrikladilar va gʻolib polvonlarga oʻz sovgʻalarini topshirdilar. Shuningdek, yosh polvonlar tuman Bolalar va oʻsmirlar sport maktabi maʼmuriyati tomonidan “Eng kuchli kurashchi, “Eng yaxshi uslubga ega polvon”, “Eng epchil polvon” kabi nominatsiyalar boʻyicha faxriy yorliqlar bilan taqdirlandilar.
Robiya YOʻLDOShEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
