БИЗНИНГ ЙЎЛИМИЗ - ЭНГ ТЎҒРИ ЙЎЛ
2015 йил 17 январь куни Президентимиз И.Каримовнинг Вазирлар Маҳкамасининг йил якунларига бағишланган мажлисидаги маърузасини телеэкран орқали кузатиб, жуда таъсирландим. Ўзим иқтисодчи бўлмасам-да, мажлисда тилга олинган рақамларни, ўсиш ва ўзгариш суръатларини тинглаб, шу юртда яшаётганимдан яна бир марта фахрландим. Дунёда ҳали-ҳамон молиявий инқироз давом этаётган бир пайтда мамлакатимиз иқтисодиётининг барқарор юқори ўсиш суръатлари таъминланаётгани дунёда "ўзбек модели” дея ном олган миллий ривожланиш стратегиямиз нақадар тўғри эканининг яна бир исботидир.
Президентимиз иқтисодий кўрсаткичлар ҳақида гапириб, ўтган 2014 йилда фойдаланишга топширилган, замонавий юқори технологияларга асосланган йирик янги объектлар ҳақида сўзлар экан, "Қорақалпоғистон Республикасидаги "Манғит” масъулияти чекланган жамияти базасида йилига 5 минг тонна маҳсулот чиқариш қувватига эга бўлган ип-калава йигирув корхонаси ташкил этилди”, дея алоҳида тилга олиши ҳар бир амударёлик қалбида фахр-ифтихор туйғусини уйғотгани сир эмас.
Маърузада Президентимиз томонидан кекса авлод вакилларини ҳар томонлама қўллаб-қувватлашга эътибор бериш, уларга кўрсатиладиган тиббий ва ижтимоий хизмат даражаси ва сифатини ошириш, туманлар ва маҳаллаларда қарияларимиз учун мулоқот марказлари, уларнинг қизиқишларидан келиб чиққан ҳолда, турли клублар ташкил этиш, жисмоний тарбия ва спорт билан шуғулланишлари учун шароитлар яратиш каби масалаларни ўз ичига оладиган дастур ишлаб чиқиш вазифасини бергани халқимизга хос эзгу фазилатлар, давлатимизнинг кекса авлод вакилларига бўлган улкан эътибор ва ғамхўрлигининг ёрқин ифодаси бўлди ва бундан биз – нуронийларнинг кўнглимиз юксалди.
Юртбошимиз ва давлатимизнинг бундай эътибор ва ғамхўрлигидан баҳраманд бўлаётганимиз бизга куч-қувват, тетиклик бағишламоқда. Мустақиллик шарофати билан юртимизда яшовчи ҳар бир нуроний тинч-тотув, фарзанд-у набиралар қуршовида бахтли ҳаёт кечирмоқда. Буларнинг барчаси учун Яратганга шукроналар айтамиз, ҳар тонгда юртимиз тинч, халқимиз омон бўлишини сўраб дуога қўл очамиз.
Бекман Алламбергенов,
"Нуроний” жамғармасининг туман бўлими раиси.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
