XALQARO XOTIN-QIZLAR KUNI KENG NIShONLANDI
Inson zoti borki, mukarrama Ayol poyiga Onajon, deb, rafiqam, deb, jonim-jigarim, deb toʻkilib yashaydi. Uning birgina samimiy nigohi, birgina samimiy soʻzi bilan har dilga gul-u rayhon, bahor nafasi ufuradi!
4-mart kuni tuman hokimligining katta majlislar xonasida boʻlib oʻtgan tuman xotin-qizlarining 8-mart – Xalqaro xotin-qizlar kuniga bagʻishlangan bayram tadbirida har dilga ana shunday gul-u rayhon nafasi, bahor nafasi ufurgan boʻlsa ne ajab!
Tumanimiz hayotining barcha jabhalarida faoliyat yuritayotgan, oʻz ishlari bilan el-yurt hurmatiga sazovor fidoyi va mehnatkash ayol-qizlar, nuroniy onaxonlar ishtirok etgan bayram tadbirini tuman hokimining oʻrinbosari, xotin-qizlar qoʻmitasi raisi Maryam Ahmedova ochdi va tumanimiz faol ayol-qizlarini goʻzallik va nafosat ayyomi - 8-mart – Xalqaro xotin-qizlar kuni bilan qizgʻin muborakbod etdi.
Shundan soʻng tuman hokimining birinchi oʻrinbosari Bahodir Ernazarov tabrik nutqi soʻzladi. Jamiyatimiz va oilalarimiz koʻrki, xonadonlarimiz farishtalari boʻlgan barcha aziz opa-singillarimiz va muhtarama onaxonlarimizga bayram tabrigini yoʻlladi hamda tumanimiz ishlab chiqarishining turli sohalarida - madaniyat, taʼlim, sogʻlikni saqlash tizimlarida oʻz mehnatlari bilan xalq hurmati va eʼtiboriga sazovor boʻlgan ayol-qizlardan bir guruhiga tuman hokimligining "Faxriy yorliq”lari hamda qimmatbaho sovgʻalarini topshirdi.
Amudaryo akademik litseyi oʻquvchisi Yulduz Tursunboyeva hamda 40-sonli umumtaʼlim maktabi oʻquvchilarining sheʼriy tabrigidan soʻng tuman madaniyat va sport ishlari boʻlimi sanʼatkorlari tomonidan tayyorlangan bayram kontsert dasturi namoyishi tadbir ishtirokchilariga xushnudlik baxsh etdi.
Shu kuni tumanimizning faol xotin-qizlari uchun "Osiyo” toʻyxonasida bayram dasturxoni yozildi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
