TADBIRKORLARGA KENG IMKONIYaTLAR
Yurtimizda amalga oshirilayotgan izchil islohotlar natijasida kichik biznes va xususiy tadbirkorlik subʼektlarining iqtisodiyotdagi oʻrni tobora yuksalib bormoqda. Soha rivojiga qaratilgan yuksak eʼtibor tufayli mamlakatimizda ishbilarmonlar safi kengayib, ularning manfaatlari doimo davlat himoyasidadir.
Davlatimiz rahbarining 2015-yil 15-maydagi «Xususiy mulk, kichik biznes va xususiy tadbirkorlikni ishonchli himoya qilishni taʼminlash, ularni jadal rivojlantirish yoʻlidagi toʻsiqlarni bartaraf etish chora-tadbirlari toʻgʻrisi»gi Farmoni ushbu yoʻnalishdagi ishlarni yangi bosqichga olib chiqishi shubhasiz.
2015-yilning 1 iyulidan Farmonga muvofiq mikrofirmalar, kichik korxonalar va fermer xoʻjaliklari faoliyatiga oid barcha tekshiruvlar rejali tartibda, toʻrt yilda bir martadan, boshqa xoʻjalik yurituvchi subʼektlarida esa faqat Oʻzbekiston Respublikasi Nazorat qiluvchi organlar faoliyatini muvofiqlashtiruvchi respublika kengashi qaroriga asosan uch yilda bir martadan koʻp boʻlmagan tartibda amalga oshiriladi. Shuningdek moliya-xoʻjalik faoliyati bilan bogʻliq boʻlmagan rejali tekshiruvlar 10 kundan oshmaydi.
Tadbirkorlik subʼektlarining moliya-xoʻjalik faoliyatini rejali tekshirishlar faqat soʻnggi tekshiruvdan keyingi davrni qamrab oladi. Koʻzgʻatilgan jinoyat ishlari munosabati bilan xoʻjalik yurituvchi subʼektlar faoliyatini tekshirish huquqni muhofaza qiluvchi organlar tomonidan xoʻjalik yurituvchi subʼekt jalb etgan advokat ishtirokida (xoʻjalik yurituvchi subʼekt tomonidan ushbu huquqni rad etish holatlari bundan mustasno) amalga oshiriladi. Shu bilan birga, Oʻzbekiston Respublikasi Jinoyat Kodeksining 184-moddasida nazarda tutilgan jinoyatni (soliqlar, yoki boshqa majburiy toʻlovlarni toʻlashdan boʻyin tovlash) birinchi marta sodir etgan, jinoyat aniqlanganidan keyin 30 kun ichida davlatga yetkazilgan zararni toʻliq qoplagan, penya va boshqa turdagi moliyaviy sanktsiyalarni toʻlagan shaxsga nisbatan jinoyat ishi qoʻzgʻatilmaydi va u javobgarlikdan ozod qilinadi.
Mazkur Farmon tadbirkorlarimizning emin-erkin faoliyat yuritishlari uchun imkoniyatlarni yanada kengaytirishga xizmat qiladi.
Rasul ShERLIYeV,
Oʻzbekiston Respublikasi Bosh Prokuraturasi huzuridagi soliq va valyutaga oid jinoyatlarga, jinoiy daromadlarni legallashtirishga qarshi kurashish Departamentining katta inspektori.
Kamol ShIRINOV,
Departamentning
Qoraqalpogʻiston Respublikasi boshqarmasining hujjatli tekshirishlar boʻlimi
taftishchisi.
(Foto - http://uz24.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
