OʻQITUVChI BILIMDON BOʻLSA...
Mamlakatimizning har jihatdan toʻkis rivojlanishida xalqimizning chet tillarni qay darajada oʻzlashtirishi ham muhim ahamiyat kasb etadi. Shu bois, muhtaram Prezidentimiz tomonidan qabul qilingan "Chet tillarni oʻrganish tizimini yanada takomillashtirish chora-tadbirlari” toʻgʻrisidagi (2012-yil 10-dekabr) Qarori har bir oʻquv dargohi uchun muhim dasturiy hujjat boʻlib xizmat qilmoqda.
NDPI qoshidagi 3-sonli Amudaryo akademik litseyida chet tillarni, ayniqsa, ingliz tilini oʻrganish va oʻrgatishga alohida ahamiyat beriladi. Ingliz tilida turli xil tadbirlar, adabiy-musiqiy kechalar, har bir bosqich talabalari oʻrtasida bellashuvlar oʻtkazilishi yutuqlarimiz omili boʻlmoqda. Litseyning ingliz tili fani boʻyicha oʻqituvchilari tez-tez malaka oshirish kurslarida tahsil olib qaytishayotgani ham oʻz samarasini bermoqda. Katta oʻqituvchi Orzigul Ibragimova yaqinda ana shunday malaka oshirish kursini oʻtagach, litseyning chet tili fani oʻqituvchilari uchun seminar-trening oʻtkazdi. Oʻz tajribalari, shuningdek ingliz tili oʻqitish borasidagi yangi uslubiy oʻzgarishlar xususida maʼruzalar oʻqib, nazariy va amaliy mashgʻulotlar olib bordi. Natijada litseyning chet tili fan oʻqituvchilari ustoz bergan tavsiyalar asosida tizimdagi yangiliklardan voqif boʻldilar.
O.Ibragimova oʻtkazgan seminar-treningdan biz fan oʻqituvchilari oʻzimizga yetarli xulosalar chiqardik.
Nafisa YaNGIBOYeVA,
3-sonli Amudaryo akademik
litseyi ingliz tili fani oʻqituvchisi.
Foto - http://xs.uz
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
