ISTEʼMOLChI HUQUQI QONUN HIMOYaSIDA
Oʻzbekiston Respublikasining «Isteʼmolchilarning huquqlarini himoya qilish toʻgʻrisida»gi qonunida isteʼmolchilarning huquqlarini har tomonlama huquqiy himoya qilish chora-tadbirlari belgilab qoʻyilgan.
Tuman isteʼmolchilar huquqlarini himoya qilish jamiyati tomonidan ovul va mahallalarda, mehnat jamoalarida oʻtkazilayotgan uchrashuv yigʻilishlarida isteʼmolchilar huquqlarini himoya qilish yuzasidan keng miqyosda tushuntirish ishlari olib borilayapti. Natijada fuqarolar ongida oʻz huquqlarini tushunishlari borasida juda katta oʻzgarishlar sodir boʻlayapti.
2016-yil davomida Mangʻit shahrining Qilichboy koʻchasida yashovchi A.Tajimov, Gurlan koʻchasida yashovchi B.Bozorboyev, Amir Temir nomli ovuldan X.Yusupov, A.Yassaviy koʻchasida yashovchi G.Aqnazarova, Doʻrman ovulida yashovchi Ye.Ahmedov, Qilichboy ovulining "Besh ovul” mahallasida yashovchi A.Abdalov va "Oq oltin” ovulida yashovchi A.Kamolovlar murojaatlari jamiyat tomonidan qisqa fursat ichidayoq oʻrganib chiqilib, ularga amaliy yordam koʻrsatilganligi fuqarolarda jamiyatimizga boʻlgan ishonchni yanada oshirmoqda.
Men ushbu maqolam orqali tumanimiz aholisiga murojaat etib:
– oziq ovqat mahsulotlarini xarid qilishda uning yaroqlilik muddati oʻtmaganligiga va ishlab chiqarilgan sanasi koʻrsatilganligiga, nuqsonsiz ekanligiga eʼtibor berishlarini;
– turli maishiy, texnik, gaz, elektr, suv taʼminoti va boshqa sohalarda xizmat koʻrsatilganida xizmat koʻrsatilganlik haqidagi hujjatlarni talab qilishni;
– biror narsa xarid qilganingizda yoki xizmat koʻrsatilganda kassa chekini talab qilishni unutmasligingizni va sotuvchi plastik karta orqali savdo qilishdan bosh tortsa yoki narxlarni asossiz ravishda koʻtarsa, bunday holatlarda bizning 515 10 91 raqamli ishonch telefonimizga qoʻngʻiroq qilishingizni soʻrayman.
Ikrom XUDAYaROV,
tuman Isteʼmolchilar huquqlarini himoya qilish jamiyati raisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
