Samarqand va Termizda rekord darajadagi jazirama qayd etildi

2013-yil 27-iyul kuni Termiz va Samarqandda issiq harorat 1992-yildagi rekordni yangiladi. 

Oʻzgidromet maʼlumotlariga koʻra, shu kuni Termizda kunduzi harorat 44,3 daraja, Samarqandda esa 40,8 daraja issiqni tashkil etgan. 

Koʻp yillik kuzatuvlar natijasiga koʻra, ushbu shaharlarda 27-iyul sanasida 1992-yil eng yuqori harorat — mos ravishda 43,8 va 38 darajani koʻrsatgan. 

Eʼtiborli tomoni, 27-iyul kuni Toshkentda harorat 40,4 daraja issiqni koʻrsatdi va avvalgi rekordni yangilamadi. 1881-yilning shu kunida poytaxtimizda 41,2 daraja issiq boʻlgan edi.

2013-yilning 25-iyul kuni shuningdek yurtimizning eng shimoliy hududi - Nukus shahrida 42,2 daraja issiq boʻlgani va 1984-yilgi + 40,8 ni yangilagani xabar qilingandi.

Samarqandda 26-iyul kuni eng yuqori harorat 39,1 darajani koʻrsatdi va 1961-yildagi +37,6 haroratni yangiladi.