Mustaqillik tongi – eng ulugʻ, eng aziz bayram muborak, aziz yurtdoshlar!
Ajdodlarimiz asrlar davomida orzu qilib kelgan mustaqillik tufayli oʻz yurtiga oʻzi bek boʻlib, oʻzligini, shaʼnini qayta tiklab, Oʻzbekiston deya atalmish shu tabarruk zaminda dunyo xalqlari havas va hayrat ila qaragulik ozod, obod, farovon hayot barpo etgan yurtdoshlarimiz eng ulugʻ, eng aziz bayram – istiqlolimizning 26 yilligini yorugʻ yuz, shodu xurramlikda qarshi olmoqdalar.
26-yil... Bu qisqa muddat ichida mustaqillikni mustahkamlash, Vatanimizni har taraflama taraqqiy ettirish, rivojlangan demokratik davlatlar safidan munosib oʻrin egallash, xalqimiz va avlodlarimiz uchun hech kimdan kam boʻlmagan hayot sharoitlarini yaratish borasida asrlarga tatigulik ishlar qilindi.
Bugun 26 yillik dovondan turib mustaqil taraqqiyot yoʻlimizni, amalga oshirilgan ulkan bunyodkorliklarni, xalqimizning farovon turmush tarzini bir sarhisob qilib koʻrgan kishi erk va ozodlik naqadar moʻʼjizakor qudratga ega ekanligini sidqidildan his qiladi.
Ha, mustaqillik – oliy neʼmat. Shu boisdan ham har yili mamlakatimizda ana shu ulugʻ baxtga musharraf boʻlgan kunimiz – 1-sentyabrni eng ulugʻ, eng aziz bayramimiz sifatida munosib nishonlaymiz.
Butun mamlakatimizda boʻlgani kabi tumanimiz ovul va mahallalarida, mehnat jamoalarida ham istiqlol bayrami tantanalari allaqachon boshlanib ketdi. "Fidoying boʻlgaymiz seni, Oʻzbekiston!” degan ezgu gʻoyani oʻzida mujassam etgan bayram tantanalari mustaqillikning qadr-qimmatini qalblarimizga yanada teran joylamoqda, yangi hayot, yangi jamiyat qurish yoʻlida xalqimiz qanchalik ogʻir va mashaqqatli yoʻlni bosib oʻtganligini yanada chuqurroq his qilmoqdamiz, bu yoʻlda yurt tinchligi, Vatan ravnaqi, shu muqaddas zaminda ozod va obod hayot barpo etishdek ezgu maqsad yurtdoshlarimizni birlashtiruvchi kuch boʻlib xizmat qilganini yaqqol anglamoqdamiz.
Koʻngillarimizga olamcha faxr, surur, shodlik baxsh etgan mamlakatimiz mustaqilligining 26 yilligi barcha yurtdoshlarimizga qutlugʻ boʻlsin!
"Taraqqiyot koʻzgusi” gazetasi tahririyati.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
