SAYYoR KITOB KARVONI “OʻZBEKISTON” MAHALLASIDA
Tumanimizning “Oʻzbekiston” mahallasi hududida joylashgan 44-sonli umumtaʼlim maktabida “Taraqqiyot koʻzgusi” gazetasi tahririyati tomonidan uyushtirilgan “Ommaviy kitobxonlik” oyligi doirasida kitobxonlikka bagʻishlangan tadbir boʻlib oʻtdi.
Tadbirda tahririyat vidooperatori Ravshan Anorov, suratkash Mahmudjon Shomurodov, “Jayxun ilhomlari” NNT raisi A.Nafasovlar qatnashdilar.
Tadbirni maktabning maʼnaviy-maʼrifiy ishlar boʻyicha diretor oʻrinbosari Ilhom Bobojonov olib bordi.
Tadbirda belganlangan “Sayyor kitob karvoni” loyihasida tumandagi “amudaryo nur ziyo” MChJga qarashli kitob doʻkoni bilan birgalikda “Jayxun ilhomlari” NNT kutubxonasi hamkorlikda qatnashdilar.
“Eng yaxshi sovgʻa - kitob” aktsiyasida tadbirda qatnashgan ota-onalar farzandlari uchun kitoblar xarid qildilar. Oʻtkazilgan itadbir qatnashuvchilarda katta taassurot qoldirdi. Maktab kutubxonachisi Dilbar Abdullayeva, oʻqituvchisi Manzura Sultonova, ota-onalardan Safargul Xolimbetovalar tadbir ishtirokchilariga oʻz minnatdorchiligini izhor qildilar. 10-sinf oʻquvchisi Ozoda Qurbonboyeva bugungi maʼrifat tarqatuvchi mehmonlar tashrifi taassurotlarga boy boʻlganligini taʼkidlab, oʻz tashakkurini bildirdi.
* * *
Ana shunday yana bir tadbir 9-sonli maktabda ham oʻtkazildi. “Sayyor kitob karvoni” loyihasi boʻyicha “Amudaryo nur ziyo” MChJga qarashli kitob doʻkoni “Jayxun ilhomlari” NNT bilan hamkorlikda kitob savdosi va kutubxona fondi bilan tanishuv tadbirini oʻtkazishdi. Tadbirni maktab direktori Xayrulla Oʻtaganov boshqarib bordi.
“Jayxun ilhomlari” NNT raisi Ahmad Nafasov kitob mutolaasini rivojlantirish boʻyicha davlatimiz tomonidan beliglangan vazifalar va “Taraqqiyot koʻzgusi” gazetasi tahririyati bilanbirga bajarilayotgan ishlar toʻgʻrisida gapirib berdi.
Oʻquvchilar hamda tadbirda qatnashgan ota-onalar oʻzlari yoqtirgan kitoblarni oʻqish uchun kutubxonaga aʼzo boʻldilar.
“Eng yaxshi sovgʻa - kitob” aktsiyasi boʻyicha ota-onalar farzandlari uchun kitoblar xarid qildilar.
Oʻqituvchi Gulposhsha Yoʻldoshevaning ijodkor shogirdlari oʻz ijod namunalaridan oʻqib berdilar. Ularga “Jayxun ilhomlari” NNT tomonidan kitoblar sovgʻa qilindi.
Faxriy oʻqituvchi Sarvigul Kamolova, uy bekasi Malika Yoʻldoshevalar bu tadbirning keng omma maʼnaviyatini yuksaltirishida ahamiyati katta ekanini taʼkidladilar. Prezident asarlari mutolaasi tanlovlarining tuman bosqichida 2-oʻrinni olgan oʻquvchi Nodira Bobojonova ham katta taassurot olganligini bildirdi.
Ahmad NAFASOV, “Jayxun ilhomlari” NNT raisi.
(Foto - http://uza.uz)
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
