KUYuK KOʻPIP OVULIDA XALQ KUTUBXONASI ISh BOShLADI (+video)
Aholini, ayniqsa, yoshlarni kitob oʻqishga keng jalb qilish, mutolaa madaniyatini oshirish bugungi kunda davlatimiz siyosati darajasiga koʻtarilgani bejiz emas. Chunki kitob mutolaasi yoshlarning dunyoqarashini kengaytiradi, zehnini oʻstiradi, oʻz kelajagini toʻgʻri belgilay olishiga yordam beradi, har qanday maʼnaviy tahdidlardan asraydi.
Yoshlar orasida kitobxonlik ommaviyligi oshishiga hissa qoʻshish maqsadida Amudaryo televideniyesi tahririyati amalga oshirayotgan “Odobli bola – el koʻrki” deb nomlangan grant loyihasi rejasida Kuyuk koʻpir OFY mahalla guzarida kutubxona tashkil qilish rejalashtirilgan edi.
Shu yilning 14-may kuni rejaga muvofiq ushbu OFYda kutubxona ishga tushirilishi bayram tusini oldi. Tadbirga OFY masʼul xodimlari, ovul nuroniylari, oʻqituvchilar, oʻquvchilar tashrif buyurishdi. Ixcham, zamonaviy uslubda taʼmirlangan moʻʼjaz xonada javonlarga taxlangan 1000 ga yaqin nusxadagi badiiy kitoblar ovulning katta-yu kichigini cheksiz quvontirdi. Kutubxonaga “Taraqqiyot koʻzgusi” gazetasi tahririyati va “Jayxun ilhomlari” NNT tomonidan ham kitoblar sovgʻa qilindi.
Xalq kutubxonasi deya nomlangan ziyo maskanining ochilish marosimida tuman hokimi S.Yoʻldoshev ishtirok etdi va ovul aholisini qizgʻin qutladi. Tuman hokimi kutubxonaning kitob fondini yanada boyitishga hokimlik yordam berishini, shu yil yozgi taʼtil paytida ovuldagi 19-sonli maktabning 2 nafar kitobxon yoshlari homiylar yordami bilan Toshkent shahridagi kitob doʻkonlari va nashriyotlarga yuborilishini maʼlum qildi. Ular maktab oʻquvchilari va ovul yoshlari buyurtma qilgan eng sara kitoblarni tanlab, kutubxonaga olib keladilar.
Ovul imomi Habibullo Eshimbetov, taʼlim faxriysi Maryam Nurekeshovalar kutubxona ovul yoshlarining kamoliga xizmat qilishini tilab duo qildilar. Tumanimiz hokimi nuroniylar ishtirokida ramziy tasmani qirqib, kutubxonani ochib berdi.
Xalq kutubxonasi faoliyatini OFY raisining jamoatchilik asosida ishlovchi keksalar va faxriylar ishlari boʻyicha maslahatchisi Qurbonboy Soburov yuritadi. “Taraqqiyot koʻzgusi” tahririyati tomonidan kutubxonaga zamonaviy kompyuter sovgʻa qilindi.
Kutubxona ovul yoshlarining maʼnaviyatini yuksaltirishga, uyushmagan yoshlarning boʻsh vaqtlarini mazmunli oʻtkazishlariga va hududda ijtimoiy-maʼnaviy muhitni yanada yaxshilashga xizmat qilishi shubhasiz.
O.PAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
