Sport musobaqalarining “Mahalla haftaligi” oʻtkazildi (+video)
15-20-oktyabr kunlarida tumanimizda sport musobaqalarining “Mahalla haftaligi” oʻtkazildi. Aytish kerakki, aholi, ayniqsa yosh avlodni milliy va ommaviy sport turlariga keng jalb etish, ularni jismonan baquvvat, mustahkam irodali, tafakkuri yetuk va maʼnan barkamol qilib tarbiyalash, iqtidorli sportchilarni aniqlash hamda yoshlarning boʻsh vaqtlarini mazmunli tashkil etish maqsadida mahalla tizimida qator ishlar amalga oshirilmoqda. Ana shu ishlarning mantiqiy davomi sifatida tashkil qilingan haftalik doirasida 15-oktyabr kuni Amudaryo akademik litseyida Boy ovul, Qizilcholi, Arna boʻyi va Farovon mahallalari voleybolchilarining, Olmazor mahallasidagi Markaziy oʻyingohda Xolimbeg, Choykoʻl, Oq oltin ovullari va Daryo boʻyi mahallasi futbolchilarining, 16-oktyabr kuni shu oʻyingohda Toʻlqin, Kuyuk koʻpir ovullari va Doʻstlik, Ayoqchi, Xizr eli, Durunki, Bosuv va Oʻzbekiston mahallalari shaxmat hamda shashkachilarining musobaqasi oʻtkazildi.
17-oktyabr kuni Doʻstlik mahallasi hududidagi oʻyingohda Amir Temur, Qipchoq, Bobur ovullari va Gulzor, Namuna, Uyshin, Yangiobod, Qoramon mahallalari yoshlari yengil atletika boʻyicha, 18-oktyabr kuni shu oʻyingohda Qangli, Xitoy ovullari va Beruniy, Chordara, Yuqori qishloq, Tor yop, Qum yop va Beshovul mahallalari yoshlari kurash boʻyicha, 19-oktyabr kuni Chordara mahallasidagi sport maktabida Qilichboy, Boʻzyop ovullari va Boʻz solma, Navoiy, Boʻston, Beshtom, Bogʻ mahallalari va Jumurtov shaharchasi yoshlari stol tennisi boʻyicha bellashdilar.
Qizgʻin kechgan bellashuvlar aholining sportga boʻlgan qiziqishini yanada oshirdi. 20-oktyabr kuni esa Amudaryo akademik litseyida “Ota-onam va men – sportchi oila” musobaqasi oʻtkazilib, unda Oʻrta qalʼa, Tosh yop, Doʻrman ovullari, Olmazor, Oybek, Jumurovul, Toshqalʼa mahallalari va Qipchoq shaharchasi sportchi oilalari ishtirok etdilar.
A.Jumaniyozov.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
